• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 21 قىركۇيەك, 2022

ايتىستىڭ اققان جۇلدىزى

530 رەت
كورسەتىلدى

ايتىس اقىنى ازىمبەك جان­قۇليەۆتىڭ ساحناداعى ونەرى حا­لىقتىڭ جۇرەگىندە ساقتالعان. قامشىنىڭ سابىنداي قىسقا عۇمىر كەشكەن تۇلعانىڭ اۋەنى مەن تاپقىرلىعى جۇرت جادىنان ەشقاشان وشپەك ەمەس.

جاقىندا بايزاق اۋدانىندا ازىمبەك جانقۇليەۆتىڭ 60 جىلدىعىنا وراي «ونەردىڭ اق­قان جۇل­دىزى» اتتى ەسكە الۋ كەشى ۇيىم­داستىرىلدى. ءال-فارابي اتىن­داعى مادەنيەت ۇيىندە وتكەن ءىس-شاراعا جەر­گىلىكتى حالىق كوپ جينالدى.

اقىننىڭ اتى ارداقتالعان ءىس-شارا بارىسىندا ەلىمىزدىڭ ەڭبەك سىڭىر­گەن ءارتىسى اسقاربەك سەيىلحان, ايتىس­كەر اقىندار ەربول قامباتىروۆ پەن ەسەت دوسالى ايتىس اقىنىنىڭ كىسى­لىك كەلبەتى, ازاماتتىق ۇستانىمى تۋرالى ەستەلىكتەرىن ورتاعا سالدى. سونداي-اق ولار ازىمبەكتىڭ ۇلكەن ايتىستاردا ورايى­ن تاۋىپ ايتقان ۇتىمدى شۋماقتارىنان ۇزىن­دىلەر كەلتىردى. وب­لىستىق اۋعان سوعىسى ارداگەرلەرى ۇيى­مىنىڭ توراعاسى كەرىم ءىزباساروۆ پەن جەرگىلىكتى اقىن جا­ناتبەك تۇر­عىنبايتەگى جىلى ەستەلىك­تەرىمەن ءبولىستى.

«تالانتىمەن تالايلاردى تام­سان­دىرعان ازىمبەكتىڭ ەلىمىزدەگى ۇلكەن اي­تىستاردا جاسىنداي جارقى­راعانىن بارشامىز جاقسى بىلەمىز. ادەمى اۋە­نىمەن, شىرايلى شۋماقتارىمەن دارالانعان ازىمبەك وزبەكستان, تۇركيا ەلدەرىندە وتكەن جىر دودالارىندا دا جۇلدەگەر اتانعان بولاتىن», دەدى جەرگىلىكتى اقىن قاسقىرباي نارباتىر زامانداسى تۋرالى سىر شەرتىپ.

بۇل كۇنى ازىمبەكتىڭ الەمىنە ۇڭىل­گەندەر اقىننىڭ ولەڭدەرىن وقىدى, جۇرەككە جىلى تيگەن اندەر شىرقالدى. ءىس-شارا سوڭىندا ازىمبەكتىڭ اعاسى التىنبەك جانقۇليەۆ ەسكە الۋ كەشىن ۇيىمداستىرعان ازاماتتارعا ريزا­شىلىعىن جەتكىزدى. ازىمبەكتى ايتىس ونەرىنە باۋلىعان قاسقىرباي نار­باتىردىڭ يىعىنا زەرلى شاپان جاپتى. ءوز كەزەگىندە بايزاق اۋدانى اكىمىنىڭ ورىنباسارى ءداۋىر داۋ­لەتوۆ مارقۇمنىڭ اعاسى التىنبەك پەن اپكەسى مەيىزكۇلگە قۇرمەت كورسەتتى.

 

جامبىل وبلىسى,

بايزاق اۋدانى

سوڭعى جاڭالىقتار