ءۇندىستاننىڭ شىعىسىنداعى بيحار شتاتىندا نايزاعاي ءتۇسىپ, 36 ادام قازا تاپتى, دەپ حابارلايدى Egemen.kz سينحۋا اگەنتىگىنە سىلتەمە جاساپ.
«سوڭعى تاۋلىكتە بيحار شتاتىنىڭ ءارتۇرلى ايماقتارىندا نايزاعاي تۇسىپ, جاۋعان جاڭبىر سالدارىنان قۇربان بولعاندار سانى 36 ادامعا جەتتى. سونداي-اق 13 ادام زارداپ شەكتى, ونىڭ سەگىزى بالا», دەپ حابارلادى جەرگىلىكتى All India Radio پورتالى.
سونىمەن قاتار اعاشتار مەن ەلەكتر باعاندارى قۇلاپ, شتاتتىڭ بىرنەشە ايماعىندا ەلەكتر قۋاتى سونگەن.
ءۇندىستان راديوسىنىڭ حابارلاۋىنشا, قازا تاپقانداردىڭ كوپشىلىگى ەگىستىكتە جۇمىس ىستەيتىن فەرمەرلەر. وسى ايدىڭ باسىندا شتاتتا نايزاعاي 17 ادامنىڭ ءومىرىن قيدى.