قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتتەر سارايىندا Open spaسە فوماتىنداعى كىتاپحانا اشىلدى. بۇرىنعى كىتاپحاناعا كۇردەلى جوندەۋ جۇمىستارى جۇرگىزىلىپ, پروفەسسور-وقىتۋشىلار مەن ءبىلىم الۋشىلاردى وتاندىق جانە شەتەلدىك وقۋلىقتارمەن قامتاماسىز ەتەتىن, جاڭا تەحنولوگيامەن جابدىقتالىپ, ءتۇرلى فورماتتاعى كەزدەسۋلەر وتكىزۋگە قولايلى ورىنعا اينالدى.
كىتاپحانانىڭ اشىلۋ سالتاناتىندا قورقىت اتا اتىنداعى قىزىلوردا ۋنيۆەرسيتەتىنىڭ باسقارما توراعاسى – رەكتور بەيبىتكۇل كارىموۆا رۋحاني ورتالىق ستۋدەنتتەردىڭ ساپالى ءبىلىم الۋىنا, تۇلعالىق دامۋىنا سەرپىن بەرەتىنىن اتاپ ءوتتى.
– قاي زاماندا دا كىتاپ قۇندىلىعى ەرەكشە. بۇل تۋرالى مەملەكەت باسشىسى قاسىم-جومارت توقاەۆ «بۇگىنگى زاماندا كىتاپسىز, سونداي-اق كىتاپحاناسىز ادامنىڭ ويداعىداي دامۋى مۇمكىن ەمەس. بۇكىل الەمدەگى كىتاپحانالار – ءبىلىم مەن مادەنيەتتىڭ وشاعى, جاڭا ويلار مەن تىڭ پىكىرلەردىڭ مەكەنى. ەلەكتروندى فورماتتىڭ قارقىندى دامىپ جاتقانىنا قاراماستان ءداستۇرلى كىتاپحانانىڭ اعارتۋشىلىق ءرولى ەشقاشان ءمانىن جوعالتپايدى» دەگەن بولاتىن.
قازىر ۋنيۆەرسيتەتتىڭ عىلىمي كىتاپحاناسىندا 2 ميلليوننان استام كىتاپ بار. جىل سايىن وقۋ پروتسەسىنە قاجەتتى كىتاپتار جاڭادان الىنىپ, وقۋلىقتاردىڭ سانى ارتۋدا, دەدى بەيبىتكۇل سارسەمحانقىزى.
وقۋ ورنىندا ەلەكتروندى كىتاپتار سانى جىل ساناپ ارتىپ كەلەدى. ۋنيۆەرسيتەتتىڭ عىلىمي كىتاپحاناسى AlemBook ەلەكتروندى كىتاپحاناسىمەن 5 جىلعا كەلىسىمشارت جاساستى. وسىنىڭ ارقاسىندا ستۋدەنتتەر كەز كەلگەن ۋاقىتتا ينتەرنەت ارقىلى AlemBook ەلەكتروندى كىتاپحاناسىنىڭ كىتاپتارىن تەگىن وقي الادى. رەسپۋبليكالىق جوعارى وقۋ ورىندارى ارالىق ەلەكتروندى كىتاپحانا بازاسىن پايدالانۋ مەرزىمى 5 جىلعا ۇزارتىلدى.
بىلتىرعى وقۋ جىلىندا قۇنى 38 ملن تەڭگەدەن اساتىن
5 710 وقۋ قۇرالى ساتىپ الىندى. ۋنيۆەرسيتەت كىتاپحانالارىن تسيفرلاندىرۋ ءۇشىن جوعارى جىلدامدىقتى Optima ا2 سكانەرى ساتىپ الىنىپ, وتكەن وقۋ جىلىندا 617 دانا كىتاپتىڭ ەلەكتروندى نۇسقاسى جاسالدى.
ستۋدەنتتەر سارايىنداعى جاڭا كىتاپحانادا ارنايى جابدىقتاردان بولەك 30 ورىندىق كونفەرەنتس زال, 10 ورىندىق كىشى زال جانە ستۋدەنتتەر ءۇشىن 40 ورىندىق جەكە ورىن بار.
قىزىلوردا