جۇرت يگىلىگىنە جاراعان جوبالار

جاڭا كوپىر ارقىلى جانكەنت, بىرلىك, قوجاباقى, اراندى, بوز­كول, تاسوتكەل, لاقالى, اجار, تاس­ارىق جانە كاۋكەي ەلدى مەكە­نىندەگى 12 مىڭعا جۋىق حالىقتىڭ الىس-بەرىسى ارتىپ, جول قاتىناسى جاقسارماق.

جالپى, وسى جىلى اۋداندىق ماڭىزداعى اۆتوموبيل جولدارىن جوندەۋ باعىتىندا 7 جوبا قولعا الىنىپ, جاقىندا عانا بەكارىستان بي مەن مايداكول اۋىلدارىنىڭ اراسىنداعى جول اسفالتتالدى. مەردىگەر مەكەمە «نۇراس ي ك» جشس اۆتو­موبيل جولىنا سۋ كوزدەرى جا­قىن بولعاندىقتان نەگىزگى جول قا­باتىن نىعايتىپ, 7,3 شاقىرىمعا اسفالت-بەتون قاباتىن تولىقتاي توسەدى. ەندىگى كەزەكتە مەردىگەر مەكەمە جول جيەگىن بەكىتىپ, جول بەلگىلەرىن ورناتىپ, جولاقتارىن سىزادى. بۇعان دەيىن اۋداندىق ماڭىزداعى بەكارىستان بي مەن جاڭاقۇرىلىس ەلدى مەكەندەرىنىڭ اراسىنداعى 12,3 شاقىرىم جول اسفالتتالعان بولاتىن.

قازىر ايتەكە بي كەنتى مەن باسىقارا اۋىلى, مايداكول مەن ءۇ.تۇكتىباەۆ ەلدى مەكەندەرىنىڭ اراسىنداعى جولداردى جوندەۋ جۇمىستارى قارقىندى جۇرگىزىلىپ جاتىر.

جىل اياعىنا دەيىن وبلىس­تاعى ەلدى مەكەندەردى گازداندىرۋدى 68 پايىزعا جەتكىزۋ جوسپارلان­عان. ءىرى ورتالىقتاردان بولەك اۋىل­دارعا دا «كوگىلدىر وتىن» جەت­كەلى جۇرت ارتىق بەينەتتەن قۇ­تىل­دى. بۇل قورشاعان ورتاعا دا وڭ اسەر ەتتى. بيىل تابيعي گاز يگى­لىگىن كورىپ وتىرعان جۇرت قا­تا­رىنا قازالى قالاسى تۇرعىن­دارى دا قوسىلدى. قازىر اۋدان ورتالىعى ايتەكە بي كەنتى مەن ەلدى مەكەندەردى گازداندى­رۋ جۇ­مىستارى قارقىندى جۇر­گىزىلۋدە.

وسى كۇنى اۋدان ورتالىعى­نا جاقىن ورنالاسقان ءجالاڭ­توس باتىر, ق.ءپىرىموۆ, باسىقارا اۋىل­دارىنا گاز تارتۋ اياقتالۋعا جاقىن. جاقىن كۇندەرى وسى ەلدى مەكەندەر تۇرعىندارى تابيعي گاز تۇتىناتىن بولادى.

بۇل باعىتتاعى جۇمىستار شەڭبەرىندە اباي اۋىلىن گازداندىرۋ ءۇشىن جوبالىق-سمەتالىق قۇجاتتارى دايىندالىپ جاتىر. جوبالاۋشى «بىرلەستىك» جشس جوبالىق-سمەتالىق قۇجاتتا­رىن ازىر­لەپ, ساراپتامادان وتكىزەدى. سونىمەن قاتار «بىرلەستىك» جشس دەمەۋشىلىگىمەن «اقتان باتىر اۋىلىنىڭ ورامىشىلىك گاز قۇبىرىن سالۋ» جوباسى ازىر­لەنۋدە.

قالاعا ءتان يگىلىكتەن اۋىل حالقى دا تىس قالماۋى كەرەك. اسى­­رەسە, اۋىل بالالارى قا­جەت­تى ينفراقۇرىلىممەن قامتى­لۋعا ءتيىس. بيىل بالالار جىلى­نا بايلانىستى وبلىس باس­­شى­لىعى­­نىڭ باستاماسىمەن قالا مەن اۋىلداردا بالا­لار الاڭ­دارى سالىنىپ جاتىر. سونىڭ ءبىرى وسى اۋداندا­عى اراندى اۋىلىندا بوي كوتەرۋ­دە. قازا­لى­لىق كاسىپكەر تەمىرحان كەن­جەباەۆ دەمەۋشىلىك ەتكەن الاڭ­­نىڭ قۇرىلىس جۇمىستارىن «قازالىسترويسەرۆيس» جشس جۇرگىزەدى. جالپى اۋماعى 70ح40 مەتر بولاتىن الاڭ ىشىندە جاز­دىق ساحنا مەن تۇرعىندار وتىرا­تىن ورىندار, بالالار مەن ەرەسەك­تەر ءۇشىن ترەناجەرلىق قۇ­رىل­عى­لار ورناتىلادى.

بۇگىندە سپورت الاڭىنىڭ جە­رىن كوتەرىپ, سىرتىن قورشاۋ جۇ­مىستارى اياقتالعان. ەندىگى كەزەكتە الاڭنىڭ جيەكتەرى بيىك­تەتىلىپ, جاساندى توسەنىشتەر توسەلەدى. سونىمەن قاتار كەڭەس وداعىنىڭ باتىرى ءۇرماش تۇك­تىباەۆ اتىنداعى اۋىلدا دا سپورت كەشەنىنىڭ قۇرىلىسى جۇرۋدە.

اۋدان اكىمى مۇحتار وراز­باەۆتىڭ ايتۋىنشا, وسىنىڭ ءبارى بالالار مەن جاستاردىڭ بوس ۋاقىتىندا سپورتپەن اينالىسۋىنا جاعداي جاساۋ, ولار­دىڭ توپ بولىپ توبەلەسۋىنىڭ الدىن الۋدىڭ قامى, قوعامعا جات قىلىققا جول بەرمەي, جاستاردىڭ پايدالى ىسپەن اينالىسۋىنا كومەكتەسۋ.

– جاقىندا قازالى قالا­سى­نىڭ جاستارىمەن كەزدەسىپ, پىكىر­لەرىن تىڭدادىم. ولار ب.قو­ساەۆ كوشەسىنىڭ اياق جاعىندا ورنا­لاسقان بوس ورىنعا بالالار ويىن الاڭى مەن 40ح20 مەتر بولاتىن كىشى فۋتبول الاڭىن سالىپ بەرۋدى سۇراپ وتىر. ءتىپتى سول ورىنعا ءوز كۇشتەرىمەن 100 ماشيناداي قۇم توگىپتى. جاستاردىڭ تالابى ورىندى, اۋداندىق قۇرىلىس, ساۋلەت جانە قالا قۇرىلىسى ءبولىمىنىڭ باسشىلىعىنا جوبالىق-سمەتا­لىق قۇجاتتارىن دايىنداپ, قار­جىسىن ەسەپتەۋ تاپسىرىلدى, – دەيدى اۋدان اكىمى.

الداعى ۋاقىتتا قازالى قالا­سىندا ەكى سپورت كەشەنىن سالۋ جوسپاردا تۇر. ونىڭ ءبىرى بيۋدجەت ەسەبىنەن سالىنسا, ەكىنشىسى جەكە كاسىپكەردىڭ قارجىسىنا بوي كوتەرەدى.

اۋدان اۋماعىندا كەزدەسىپ قالاتىن جاستار اراسىنداعى توپتىق توبەلەستىڭ الدىن الۋ ءۇشىن جۇمىسشى توپ قۇرىلىپ, ءتيىستى جۇمىستار اتقارىلىپ جاتىر. كەيىنگى بۋىن وكىلدەرىمەن كەزدەسۋ بارىسىندا كەشكى مەز­گىلدە مەكتەپتەر مەن كوللەدج­دەر­دىڭ سپورت زالدارىن پايدا­لانۋ جونىندەگى جاستاردىڭ ۇسىنىسى قولداۋ تاۋىپ, ونى ۇيلەستىرۋ ءتيىستى ماماندارعا تاپسىرىلدى.

قىزىلوردا