ۇلتتىق بانك قازاقستاندىقتارعا الاياقتىق ارەكەتتەردىڭ قارقىن العانىن ەسكەرتتى, دەپ حابارلايدى Egemen.kz.
وزدەرىن «پوليتسيا قىزمەتكەرى» نەمەسە «ۇلتتىق بانك قىزمەتكەرى» دەپ تانىستىراتىن قاسكۇنەمدەر ازاماتتاردى الداپ, نەسيە, ميكروزايم راسىمدەۋگە, سونداي-اق ءۇشىنشى تۇلعالارعا اقشا اۋدارۋعا اربايدى. مۇنداي سحەمالار الاياقتاردى ۇستاۋ ماقساتىندا بانكتىك «ناۋقان» دەگەن سىلتاۋمەن جۇزەگە اسىرىلۋى مۇمكىن. بۇل رەتتە ءىس-ارەكەتتەرىنىڭ زاڭدىلىعىن راستاماق بولىپ «ۇلتتىق بانكتىڭ جالعان قىزمەتكەرىنە» قوڭىراۋ شالعان بولادى, قىزمەتكەردىڭ جالعان كۋالىگىن دە كورسەتەدى.
الاياقتىق ادىستەردىڭ تاعى ءبىر ءتۇرى – ۇلتتىق بانك ازىرلەگەن جەكە ينۆەستيتسيالىق باعدارلامالار دەپ اتالادى. مۇنداي ونلاين-پلاتفورمالاردا ينۆەستيتسيالار, جالعان ليتسەنزيالار جانە قۇقىق بەلگىلەيتىن قۇجاتتار تۋرالى جالعان اقپارات ورنالاستىرىلعان.
«وسىعان بايلانىستى ۇلتتىق بانك «قۇقىق قورعاۋ جۇيەسىنىڭ» نەمەسە «ۇلتتىق بانكتىڭ جالعان قىزمەتكەرلەرىنەن» قوڭىراۋ تۇسكەن كەزدە لەزدە اڭگىمەنى ءۇزىپ, الاياقتار ويلاپ تاپقان «وپەراتسيالاردى» جۇرگىزۋگە قاتىسپاۋ كەرەك ەكەنىن ەسكەرتەدى. وسىنداي زاڭسىز ارەكەتتەردەن زارداپ شەككەن ازاماتتار دەرەۋ قۇقىق قورعاۋ ورگاندارىنا حابارلاسقانى ءجون. سونداي-اق ۇلتتىق بانك ءموبيلدى قوسىمشالاردى ورناتپاۋ كەرەك ەكەنىن, جەكە دەرەكتەردى جاريالاماۋدى, AnyDesk, Team Viewer سەكىلدى سمارتفوندى قاشىقتان باسقاراتىن قىزمەتتەردەن ساق بولۋدى سۇرايدى. قانداي جاعدايدا بولماسىن, تەلەفون ارقىلى بەرىلگەن نۇسقاۋلاردى ورىنداۋدان ساقتانىپ, ءۇشىنشى تاراپتىڭ ەسەپ شوتىنا اقشا اۋدارماۋ كەرەك, سەبەبى مۇنداي اۋدارىمداردى قايتارۋ نەمەسە ونى داۋلاۋ وتە قيىن», دەپ جازىلعان ۇلتتىق بانك حابارلاماسىندا.