حالىق سانى تۋرالى جاڭا دەرەكتەر جاريالاندى

ستاتيستيكالىق مالىمەتتەرگە سۇيەنسەك, وتكەن جىلى وبلىستا 540 786 ادام تۇرعان. 2009 جىلعى ساناقپەن سالىستىرعاندا 55,8 مىڭعا, ياعني 9,3%-عا ازايعان. بۇل رەتتە قالا حالقى 238,8 مىڭنان 259,5 مىڭ ادامعا دەيىن ءوستى جانە ساناق قورىتىندىسى بويىنشا جالپى ساننىڭ 48 پايىزىن قۇرادى. وسى جىلدارى اۋىل حالقىنىڭ ۇلەسى تيىسىنشە 60%-دان 52%-عا دەيىن تومەندەدى.

«سولتۇستىك قازاقستان وبلىسىنداعى ايەلدەر بۇرىنعىداي ەرلەرگە قاراعاندا كوبىرەك. ساناق قورىتىندىسى بويىنشا – 18,9 مىڭ. ەرلەردىڭ ۇلەسى – 48,3%, ايەلدەر – 51,7%. ياعني, وبلىستا 100 ايەلگە 93 ەر ادامنان كەلەدى», دەدى باسقارماداعىلار.

بيىلعى جىلدىڭ مالىمەتى بويىنشا وبلىس تۇرعىندارىنىڭ سانى 1 شىلدەدە 534 مىڭ ادامدى قۇرادى. ونىڭ ىشىندە قالالىق – 252,1 مىڭ جانە اۋىلدىق – 281,9 مىڭ ادام.