14-15 قىركۇيەكتە ەلورداداعى تاۋەلسىزدىك سارايىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنە دايىندىق كەزەڭى تولىعىمەن اياقتالىپ, باعدارلاماسى مەن بايانداماشىلاردىڭ قۇرامى جاساقتالدى. سەزدىڭ نەگىزگى تاقىرىبى – «پاندەميادان كەيىنگى كەزەڭدە ادامزاتتىڭ رۋحاني جانە الەۋمەتتىك دامۋىنداعى الەمدىك جانە ءداستۇرلى دىندەر ليدەرلەرىنىڭ ءرولى».
سەزگە ەل پرەزيدەنتى قاسىم-جومارت توقاەۆ قاتىسادى. جاڭارتىلعان مالىمەتتەرگە سايكەس ءىس-شاراعا الەمنىڭ 60 ەلىنەن 100-دەن استام دەلەگاتسيا قاتىسادى.
سەزد قاتىسۋشىلارىنىڭ قاتارىندا ريم پاپاسى فرانتسيسك, ءال-ازحاردىڭ جوعارعى يمامى شەيح احماد ات-تايەب, ءيزرايلدىڭ باس اشكەنازي ءراۆۆينى داۆيد لاۋ, ءيزرايلدىڭ باس سەفارسد ءراۆۆينى يتسحاك يوسەف, يەرۋساليم پراۆوسلاۆيە شىركەۋىنىڭ پاتريارحى فەوۆيل III جانە باسقا دا ءدىني كوشباسشىلار بار.
الەمدىك جانە ءداستۇرلى دىندەر ليدەرلەرىنىڭ VII سەزىنىڭ رەسمي وكىلى نازىم جانعازينوۆانىڭ مالىمدەۋىنشە, سەزگە يسلام, حريستيان ءدىنى (بارلىق ءۇش باعىت – پراۆوسلاۆيە, كاتوليتسيزم, پروتەستانتيزم), بۋدديزم, يۋدايزم, يندۋيزم, داوسيزم, زورواستريزم, سينتويزم رۋحاني كوشباسشىلارى قاتىسادى دەپ جوسپارلانعان. سونداي-اق وسى جىلى سەزد جۇمىسىنا العاش رەت ءۇندىستاننىڭ ەجەلگى ءدىنى – دجاينيزم وكىلدەرى قاتىسادى.
ء«ىس-شارا بارىسىندا كونفەسسيالاردى بىلدىرەتىن ءدىني كوشباسشىلار, سونىڭ ىشىندە بۇرىن قارىم-قاتىناستىڭ كۇردەلى تاريحى بارلار ءبىر ۇستەل باسىنا جينالادى. وسىلايشا, ءدىني ليدەرلەر ىزگى نيەتتىڭ, كەز كەلگەن ايىرماشىلىقتى ەڭسەرۋگە دايىن بولۋدىڭ ۇلگىسىن كورسەتەدى. بۇل – سەزدىڭ باستى ميسسياسى», دەدى VII سەزدىڭ رەسمي وكىلى.
نازىم جانعازينوۆا ايتقانداي, بۇۇ باسشىلارى, سونداي-اق بەدەلدى حالىقارالىق ۇيىمدار باسشىلارىنىڭ سەز جۇمىسىنا قاتىسۋىنىڭ ماڭىزى زور. ماسەلەن, سەز دەلەگاتتارىنىڭ اراسىندا بۇۇ باس حاتشىسى انتونيۋ گۋتەرريش, يسلام ىنتىماقتاستىعى ۇيىمىنىڭ (يىۇ) باس حاتشىسى حۋسەين يبراحيم تاحا, يسلام ءبىلىم بەرۋ, عىلىمي جانە مادەني ۇيىمىنىڭ (يسەسكو) باس ديرەكتورى ساليم بين مۇحاممەد ءال-مالىك, پارلامەنتارالىق وداق توراعاسى دۋارتە پاشەكۋ, بۇۇ باس حاتشىسىنىڭ وركەنيەت اليانسى جونىندەگى جوعارعى وكىلى ميگەل موراتينوس جانە ت.ب. بار.