3 قىركۇيەكتە ساعات 12:00-دە «بالالار جىلى» اياسىندا «قازاقكونتسەرت» قابىرعاسىندا كەشەندى جاڭا جوبا - «بالالار فيلارمونياسى» اتتى وقۋشىلار ابونەمەنتى ىسكە قوسىلدى, دەپ حابارلايدى Egemen.kz.
جوبانىڭ نەگىزى ماقساتى - جاس دارىنداردى ونەر الەمىندە ۇيلەسىمدى دامىتىپ, سۇلۋلىق پەن ادەمىلىكتى دۇرىس ۇعىنۋعا جەتەلەپ, ولاردا سەزىم بايلىعىن قالىپتاستىرۋعا تۇرتكى بولۋ.
جوبا اياسىندا ۇيىمىمىزدىڭ شىعارماشىق ۇجىمدارى ءدارىس-كونتسەرتتەردى ۇسىنا وتىرىپ, ونەرىمەن توپ جارعان مايتالماندارىمىز جاس مامانداردى دايارلاۋدا وزدەرىنىڭ كاسىبي شەبەرلىكتەرىمەن بولىسەدى.
اتاپ ايتساق, «قازاقتىڭ مۋزىكالىق اسپاپتارى», «كلاسسيكالىق مۋزىكالىق اسپاپتار», «ميۋزيكل دەگەنىمىز نە؟», «دومبىراداعى ورىنداۋشىلىق مەكتەپتەر» اتتى ءدارىس-كونتسەرتتەر, سونداي-اق ۆوكالدىق, اكتەرلىك, بي سەكىلدى سۇڭعات ونەردىڭ تۇرلەرى بويىنشا شەبەرلىك ساباقتارى ۇيىمداستىرىلادى.
سونىمەن قاتار جوبا ابونەمەنتىن پايدالانۋشى «قازاقكونتسەرتتىڭ» ۇيىمداستىرۋىمەن وتەتىن وتاندىق كينوكورسەتىلىمدەر مەن تاڭدامالى كونتسەرتتەردى تاماشالاي الادى.
«بالالار فيلارمونياسى» جوباسى بيىلعى جىلدىڭ قىركۇيەك-جەلتوقسان ايلارىندا ءار سەنبىدە ساعات 12.00-دە وتەدى.