«ANTIKOR ORTALYGY» سەرۆيس ورتالىعىندا «تاراز» الەۋمەتتىك-كاسىپكەرلىك كورپوراتسيالار قىزمەتىندە سىبايلاس جەمقورلىققا قارسى جۇرگىزىلگەن تاقىرىپتىق تالداۋدىڭ قورىتىندىلارى قارالدى, دەپ حابارلايدى Egemen.kz ورتالىقتىڭ ءباسپاسوز قىزمەتىنە سىلتەمە جاساپ.
تالداۋ بارىسىندا قر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ پرەۆەنتسيا باسقارماسىنىڭ باسشىسى داۋرەن وماروۆ انىقتالعان سىبايلاس جەمقورلىق تاۋەكەلدەرى تۋرالى بايانداما جاسادى.
جۇرگىزىلگەن تالداۋ بارىسىندا كاسىپكەرلىك سۋبەكتىلەرىنە ارتىقشىلىق كورسەتۋ, جەر تەلىمدەرىن زاڭسىز بەرۋ, الدىن الا ءتيىمسىز ينۆەستيتسيالىق جوبالاردى قارجىلاندىرۋ, ميكروقارجى ۇيىمدارىنىڭ قاراجاتىن بولىنۋىنە باقىلاۋدىڭ جوقتىعىمەن بايلانىستى ەلەۋلى سىبايلاس جەمقورلىق تاۋەكەلدەرى انىقتالدى.
«ەرەجەدە كونكۋرس وتكىزۋ ءتارتىبىنىڭ بولماۋىنا بايلانىستى, «تاراز» اكك ساتىپ الۋدىڭ اشىقتىعى مەن وبەكتيۆتىلىگىن قامتاماسىز ەتپەي, ءوز قالاۋى بويىنشا تەندەر وتكىزۋ مۇمكىندىگىنە يە بولدى. وسىلايشا, مەملەكەتتىك ساتىپ الۋ كونكۋرسى بارىسىندا «تاراز» اكك كوميسسيا مۇشەلەرى كونكۋرس جەڭىمپازدارى رەتىندە ۇقساس قۇجاتتاردى ۇسىنعان ءونىم بەرۋشىلەردەن باس تارتتى. سونىمەن قاتار, «تاراز» اكك باسشىلىعى تاراپىنان وندىرىسىندە شيكىزاتى جوق جەتكىزۋشى كونكۋرس جەڭىمپازى سانالادى, ونىڭ جەتكىزىلۋىن ءوزى قامتاماسىز ەتۋى ءتيىس. سونداي-اق سول جەتكىزۋشىلەردەن الەۋمەتتىك ماڭىزى بار ازىق-ت ۇلىك ونىمدەرىن بىرنەشە رەت ساتىپ الۋ فاكتىلەرى دە بار», دەدى داۋرەن وماروۆ.
بريفينگ بارىسىندا تيىمسىز قارجىلاندىرۋ فاكتىلەرى تالقىعا سالىندى.
«2011 جىلى «تاراز» اكك «فابريكا پوش-تاراز» جشس-ءنىڭ مۇشەسى بولدى, ونىڭ ۇلەسى 20,18%, اقشالاي تۇردە 395 ملن تەڭگەنى قۇراعان. 5 جىل ىشىندە بۇل جشس 587 ملن تەڭگە شىعىنعا ۇشىراعان. دەمەك, «تاراز» اكك جوباعا قاتىسۋ كەزەڭىندە پايدا العان جوق. وسىلايشا, تالداۋ كورسەتكەندەي, «پوش-تاراز فابريكا» جشس-نە ءتيىمسىز ينۆەستيتسيا سالۋ ناتيجەسىندە «اكك» ءالى كۇنگە دەيىن 66 ملن تەڭگە سوماسىنداعى قارىز قالدىعىن وتەي الماي وتىر. سونداي-اق «تاراز» اكك قۇنى 321 ملن تەڭگەنى قۇرايتىن پايداسىز جىلجىمايتىن م ۇلىكتى العان», دەدى سپيكەر.
تالداۋ ناتيجەلەرى بويىنشا دەپارتامەنتپەن انىقتالعان بۇزۋشىلىقتاردى جويۋ بويىنشا ءتيىستى شارالار قابىلداۋ تۋرالى 15 ۇسىنىس ەنگىزىلدى.