سينوپتيكتەر 19 تامىزعا ارنالعان اۋا رايى بولجامىن جاريالادى, دەپ حابارلايدى Egemen.kz.
«اۋقىمدى سولتۇستىك باتىس انتيتسيكلون اسەرىنەن قازاقستاننىڭ باسىم بولىگىندە جاۋىن-شاشىنسىز اۋا رايى بولادى. فرونتالدى بولىكتەرگە بايلانىستى رەسپۋبليكامىزدىڭ باتىسىندا, سولتۇستىگىندە, شىعىسىندا جاڭبىر جاۋىپ, نايزاعاي بولادى, شىعىستىڭ تاۋلى اۋداندارىندا جاۋىن-شاشىن (جاڭبىر, سۋلى قار) جاۋادى. رەسپۋبليكا بويىنشا كەي وڭىردە جەل كۇشەيىپ, ەلىمىزدىڭ سولتۇستىگىندە, سولتۇستىك-باتىسىندا, شىعىسىندا تۇنگى ساعاتتاردا تۇمان تۇسەدى, رەسپۋبليكانىڭ سولتۇستىگىندە, شىعىسىندا, ورتالىعىندا توپىراق بەتىندە 2 گرادۋسقا دەيىن ۇسىك جۇرەدى», دەلىنگەن «قازگيدرومەت» رمك حابارلاماسىندا.
كۇندىز ماڭعىستاۋ وبلىسىنىڭ باسىم بولىگىندە, اتىراۋ وبلىسىنىڭ شىعىسىندا قاتتى ىستىق بولادى.
قىزىلوردا وبلىسىندا, تۇركىستان وبلىسىنىڭ وڭتۇستىگىندە, اتىراۋ وبلىسىنىڭ شىعىسىندا, باتىس قازاقستان, ماڭعىستاۋ, جەتىسۋ وبلىستارىنىڭ وڭتۇستىگىندە, الماتى وبلىسىنىڭ شىعىسىندا, جامبىل وبلىسىنىڭ وڭتۇستىگىندە, اباي وبلىسىنىڭ بەسقاراعاي اۋدانىندا توتەنشە ءورت قاۋپى ساقتالادى.