قازاقستاندىق تەننيسشىلەر وسكەمەن قالاسىندا ايەلدەر اراسىنداعى ITF World Tennis Tour W25 ءتۋرنيرىن ءساتتى وتكىزىپ جاتىر, دەپ حابارلايدى Egemen.kz.
قازاقستان تەننيس فەدەراتسياسىنان ءمالىم ەتكەنىندەي, جىبەك قۇلامباەۆا جەكەلەي سىندا ءوزىنىڭ العاشقى كەزدەسۋىندە رەسەيلىك داريا زەلينسكايانى 6:1, 6:4 ەسەبىمەن تىزە بۇكتىردى.
ماريا سينيتسىنا تاعى ءبىر رەسەيلىك ماريا تكاچەۆاعا 2:6, 0:6 ەسەبىمەن جول بەرگەنىمەن, وسكەمەن تەننيس مەكتەبىنىڭ تۇلەگى, 14 جاستاعى ماليكا امىرعاليەۆا ءوز جانكۇيەرلەرىن قۋانتا الدى. بۇعان دەيىن ول جەكەلەي سىندا نەگىزگى تۋرنيرگە وتكەن ەدى. بۇگىن جۇپتىق سىندا قىرعىزستاندىق, 16 جاستاعى ۆلاديسلاۆا اندرەەۆسكايامەن بىرگە ساعات جارىم ۋاقىت ىشىندە تاجىريبەلى, يزرايلدىك ساپير كوەن – رەسەيلىك ەددا مامەدوۆانى 7:5, 7:5 ەسەبىمەن جەڭىپ, شيرەك فينالعا جولداما الدى.
تاعى ءبىر قازاقستاندىق گوزال اينيتدينوۆا رەسەيلىك اننا كۋبارەۆامەن بىرگە شيرەك فينالعا ءوتتى. ولار گرۋزيالىق زوزيا كارداۆا – رەسەيلىك ارينا سولوماتينادان ايلاسىن اسىردى – 7:5, 6:2.