قازاقستان جاسوسپىرىمدەر قۇراماسى پروستەەۆ قالاسىندا (چەحيا) 14 جاسقا دەيىنگىلەر اراسىندا ءوتىپ جاتقان كوماندالىق الەم چەمپيوناتىنىڭ (2022 ITF World Junior Tennis Finals) جارتىلاي فينالىندا گەرمانيامەن شەبەرلىك بايقاستى, دەپ حابارلايدى Egemen.kz.
گەرمانيالىقتار بىرىنشىلىكتىڭ ەكىنشى راكەتكاسى بولىپ تىركەلگەن. الدىمەن دانيەل تازابەكوۆ گەرمانيالىق ديەگو-دەبۋرو پالومەروعا ەسە جىبەردى. ەسەپ – 4:6, 1:6. سودان كەيىن تارتىستى ماتچتا زاڭعار نۇرلان ۇلى ەۋروپا جاسوسپىرىمدەر رەيتينگىسىندە ءتورتىنشى ورىندا تۇرعان نيلس ماكدونالدتان ايلاسىن اسىرا المادى. ەسەپ – 4:6, 5:7. جۇپتىق ويىندا دامير جالعاسباي مەن دانيەل تازابەكوۆ قارسىلاستارىن جەڭىپ, قورجىنعا ءبىر ۇپاي اكەلدى.وسىلايشا, گەرمانيا قۇراماسى فينالعا شىقتى دا, قازاقستاندىقتار ەرتەڭ قولا جۇلدە ءۇشىن اقش قۇراما كومانداسىمەن كەزدەسەتىن بولدى.