قارجىلىق مونيتورينگ اگەنتتىگى اتىراۋ وبلىسى بويىنشا دەپارتامەنتىنىڭ قىزمەتكەرلەرى زاڭسىز ويىن ورىندارىن انىقتادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«انىقتالعانداي, ەكى ازامات 2021 جىلدىڭ تامىز ايى مەن 2022 جىلدىڭ ماۋسىم ايى ارالىعىندا اتىراۋ قالاسىندا ورنالاسقان مونشا عيماراتىندا جانە پاتەردە تىيىم سالىنعان قۇمار ويىندى جۇزەگە اسىرعان. قازاقستان رەسپۋبليكاسىنىڭ زاڭناماسىندا بەكىتىلگەن ويىن بيزنەسى ءتارتىبىن بۇزۋ قىلمىستىق ارەكەتتەرى اشكەرەلەندى. سوت ۇكىمىمەن ەكى ادام قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ, ارقايسىسىنىڭ 2 جىلعا باس بوستاندىعى شەكتەلدى», دەلىنگەن رەسمي حابارلامادا.