ەلباسى نۇرسۇلتان نازارباەۆتىڭ اتىنا قىرعىزستان ۋاقىتشا ۇكىمەتىنىڭ ءتورايىمى روزا وتۋنباەۆادان حات كەلىپ ءتۇستى, دەپ حابارلايدى “قازاقپارات” اگەنتتىگى. وندا ول ءوز ەلىنىڭ اتىنان قازاقستان-قىرعىزستان شەكاراسىنداعى ءۇش بەكەتتىڭ اشىلىپ, ولارداعى ۋاقىتشا شەكتەۋلەردىڭ الىنىپ تاستالعانىنا ريزاشىلىق بىلدىرگەن.
حاتتا قىرعىزستاندا دوستاس كورشى مەملەكەت تاراپىنان جاسالعان بۇل قادامنىڭ جانە وسىنداي شەشىم قابىلداۋداعى قازاقستان پرەزيدەنتىنىڭ ساياسي ەرىك-جىگەرى مەن پاراساتتىلىعى جوعارى باعالاناتىنى اتاپ وتىلگەن.
بۇل ءجۇز مىڭداعان قىرعىزستاندىقتار ءۇشىن ماڭىزدى دا اسىعا كۇتىلگەن شەشىم بولعانى اتاپ ايتىلعان. وسى شەشىمنىڭ ناتيجەسىندە ءبىزدىڭ ەلدەرىمىزدىڭ اراسىنداعى ساۋدا-ەكونوميكالىق قارىم-قاتىناس جاندانىپ, وسە تۇسەتىن بولادى.
روزا وتۋنباەۆانىڭ جازعانىنداي, قىرعىزستاننىڭ ۋاقىتشا ۇكىمەتى ءبىزدىڭ تۋىستاس حالىقتارىمىزدىڭ يگىلىگى جولىندا قازاقستان رەسپۋبليكاسىمەن وداقتاستىق قارىم-قاتىناستار مەن ستراتەگيالىق ارىپتەستىكتى ودان ءارى نىعايتۋعا وتە ق ۇلىقتى بولىپ وتىر.