قازاقستاندىق تەننيسشى اننا دانيلينا گەرمانيانىڭ حەحينگەن قالاسىندا وتكەن جەكەلەي رازرياد تۋرنيرىندە دەبيۋت جاسادى, دەپ حابارلايدى Egemen.kz Sports.kz سايتىنا سىلتەمە جاساپ.
امەريكالىق تەننيسشى كيارا شوللمەن وتكەن ماتچتا دانيلينا 2:6, 3:6 ەسەبىمەن ەكى سەتتە جەڭىلىپ قالدى.
كەزدەسۋ ءبىر ساعات بەس مينۋتقا سوزىلدى. دودا توپىراق ۇستىندە ITF سەريالى نەمىس ءتۋرنيرىنىڭ 1/16 فينالىندا ءوتتى.
قازاقستاندىق جەكە رازريادتا WTA رەيتينگىندە 357-ءشى ورىندا جانە جۇپتىق رازريادتا 19-شى ورىندا تۇر. بۇل قازاقستاندىقتار اراسىنداعى ۇزدىك كورسەتكىش.