قازاقستان ۇلتتىق بانكى 27 شىلدەدەن باستاپ «ەستە قالاتىن وقيعالار مەن ءبىرتۋار ادامدار» اتتى مونەتالار سەرياسىنان «ROZA BAǴLANOVA. 100 JYL» كوللەكتسيالىق مونەتالارىنىڭ ساتىلىمعا شىعاتىنىن ءمالىم ەتتى, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
مونەتالار www.kazcoins.nationalbank.kz پلاتفورماسىندا قۇب ينتەرنەت-دۇكەنى ارقىلى ساتىلادى.
«ROZA BAǴLANOVA. 100 JYL» مونەتالارىنىڭ سيپاتتاماسى: نومينالى 100 تەڭگەلىك مەلحيوردان سوعىلعان مونەتا «ەستە قالاتىن وقيعالار مەن ءبىرتۋار ادامدار» سەرياسىن جالعاستىرادى. 2021 جىلى كسرو حالىق ءارتيسى, قازاقستاننىڭ حالىق قاھارمانى, قازاقتىڭ وپەرا جانە ەسترادا ءانشىسى روزا باعلانوۆانىڭ تۋعانىنا 100 جىل تولدى. مونەتا اۆەرسىنىڭ ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ وڭ جاعى مەن سول جاعىندا ويۋ-ورنەك ەلەمەنتتەرى ورنالاسقان.
«QAZAQSTAN ULTTYQ BANKI • NATIONAL BANK OF KAZAKHSTAN» دەگەن جازۋ مونەتا جيەگىمەن اينالدىرا جازىلعان. تومەنگى بولىگىنەن مونەتانىڭ نومينالىن بىلدىرەتىن «100 TEŃGE» جازۋىن كورۋگە بولادى.
مونەتا رەۆەرسىندە روزا باعلانوۆانىڭ سۋرەتى, پورترەتتىڭ سول جاعىندا مەرەيتويلىق داتانى بىلدىرەتىن «100 JYL» دەگەن جازۋ بار, مونەتا جيەگىندە «اح, سامارا-گورودوك» ءانىنىڭ نوتالارى, «ROZA BAǴLANOVA» دەگەن جازۋلار اينالدىرا باسىلعان, سول جاعىندا – مونەتانىڭ شىققان جىلىن بىلدىرەتىن «2022» دەگەن جازۋ بار.
من25 قوسپاسىنان جاسالعان نومينالى 100 تەڭگەلىك مونەتانىڭ ماسساسى – 15 گرامم, ديامەترى – 33 مم, دايىنداۋ ساپاسى – «brilliant uncirculated», تارالىمى – 15 000 دانا. مونەتا كوللەكتسيالىق قۇنى تۇرعىسىنان ساتۋعا ارنالعان. ولار بەلگىلەنگەن قۇنىنا ساي قازاقستان رەسپۋبليكاسىنىڭ بۇكىل اۋماعىندا بارلىق تولەم ءتۇرى بويىنشا, سونداي-اق بانك شوتتارىنا ەسەپتەۋ ءۇشىن, قازاقستان رەسپۋبليكاسىنىڭ بارلىق بانكتەرىندە اۋدارۋ, ۇساقتاۋ جانە ايىرباستاۋ ءۇشىن قابىلدانۋعا جاتادى.
كوللەكتسيالىق مونەتا قازاقستاننىڭ تەڭگە سارايىندا جاسالعان.