نۇر-سۇلتان قالاسىنىڭ سانيتاريا دارىگەرى سارحات بەيسەنوۆا قالانىڭ «سارى» ايماققا وتۋىنە بايلانىستى شەكتەۋ شارالارىن ەنگىزۋ تۋرالى قاۋلىعا قول قويدى, دەپ حابارلايدى Egemen.kz.
باس شاھاردا مىنا شارالاردى ساقتاۋ ۇسىنادى:
ادامدار كوپ جينالاتىن ورىندارعا (اۆتوۆوكزالدار, ساۋدا-ويىن-ساۋىق ورتالىقتارى, ساۋدا ۇيلەرى, جابىق بازارلار, كونتسەرت زالدارى, تەاترلار, كينوتەاترلار, حالىققا قىزمەت كورسەتۋ ورتالىقتارى (حقكو), بانكتەر, ستاديوندار جانە باسقا دا سپورتتىق قۇرىلىمدارى جانە ت. ب.), ۇيىمداسقان ۇجىمدارعا بارعان كەزدە, سونداي-اق قالالىق قوعامدىق كولىكتە جول جۇرگەن كەزدە بەتپەردە تاعۋ, 5 جاسقا دەيىنگى بالالاردى جانە تاماقتانۋ كەزىن قوسپاعاندا;
قاتىسۋشىلار سانى 10 ادامنان اساتىن كەڭەستەر (وتىرىستار) وتكىزۋدى قاشىقتىقتان وتكىزۋ تۇرىنە كوشىرۋ.
نۇر-سۇلتان قالاسىنىڭ اكىمدىگى, نۇر-سۇلتان قالاسىنىڭ كاسىپكەرلەر پالاتاسى, مەملەكەتتىك ورگاندار, قۇقىق قورعاۋ جانە ارنايى ورگاندار, كاسىپورىنداردىڭ, ۇيىمداردىڭ باسشىلارى, كاسىپكەرلىك سۋبەكتىلەرى قامتاماسىز ەتسىن:
قوعامدىق ورىنداردا بەتپەردە تاعۋ جونىندەگى ۇسىنىمداردى ساقتاۋدى جانە قولدى وڭدەۋگە انتيسەپتيكتەردى قولدانۋدى;
جۇكتى ايەلدەردى, COVID-19 ۆاكتسيناتسياسىنا ءابسوليۋتتى قارسى كورسەتىلىمدەرى بار قىزمەتكەرلەردى جانە COVID-19 ناۋقاسپەن بايلانىستا بولعان ادامداردى (ديستانتسيالىق فورماتتا مىندەتتەرىن ورىنداۋ مۇمكىن ەمەس قىزمەتكەرلەردى قوسپاعاندا) قاشىقتىقتان جۇمىس ىستەۋ فورماتىنا كوشۋدى;
تۇرعىندار اراسىندا كوروناۆيرۋستىق ينفەكتسياعا قارسى ۋاقتىلى ۆاكتسيناتسيا جانە رەۆاكتسيناتسيا بويىنشا اقپاراتتىق-ءتۇسىندىرۋ جۇمىستارىن جۇرگىزۋ;
ءبىلىم بەرۋ ۇيىمدارىندا توپتار مەن سىنىپتاردى بىرىكتىرىپ ءىس-شارالار وتكىزۋدى بولدىرماۋ (توپتاردا ءىس-شارالار وتكىزۋگە رۇقسات ەتىلگەن);
دامدار كوپ جينالاتىن وبەكتىلەردە, ونىڭ ىشىندە قوعامدىق كولىكتە دەزينفەكتسيالاۋ ءىس-شارالارىن جۇرگىزۋ, جەلدەتۋ جانە اۋانى باپتاۋ جۇيەلەرىنىڭ ۇزدىكسىز جۇمىس ىستەۋى جانە جەلدەتۋ رەجيمىن ساقتاۋ جونىندەگى جۇمىستاردى ۇيىمداستىرۋدى.
قاۋلىنىڭ تولىق ءماتىنى نۇر-سۇلتان قالاسى اكىمدىگىنىڭ سايتىندا جاريالانعان.
قاۋلى 23 شىلدەدە كۇشىنە ەنەدى.