ءماجىلىس دەپۋتاتتارى گۇلدارا نۇرىموۆا مەن مەيرامبەك تولەپبەرگەن جامبىل وبلىسىنا ساپارى بارىسىندا جامبىل اۋدانى قاراكەمەر اۋىلىندا بوي كوتەرگەن امبۋلاتوريامەن تانىستى.
ءىسساپار بارىسىندا ماجىلىسمەندەر قۇرىلىستى جۇرگىزگەن «قازمۇنايقۇرىلىس» جشس وكىلدەرىمەن كەزدەسىپ, جاڭا نىسانعا قاتىستى ماڭىزدى ماسەلەلەردى تالقىلادى. جاڭا نىساننىڭ جالپى قۇنى 198 ملن 675 مىڭ تەڭگەگە باعالانىپ, 173 ملن 290 مىڭ تەڭگەگە كەلىسىمشارت جاسالعان بولاتىن. قۇرىلىس جۇمىستارى شىلدە ايىنىڭ سوڭىندا تولىعىمەن اياقتالىپ, نىسان تامىز ايىنىڭ باسىنان باستاپ اۋىل حالقىنىڭ يگىلىگىنە بەرىلەدى. 25 ادامدى قابىلداۋعا ارنالعان امبۋلاتوريادا تەحنيكالىق قىزمەتكەرلەردى قوسا ەسەپتەگەندە 5 ادام ەڭبەك ەتپەك.
ءماجىلىس دەپۋتاتى مەيرامبەك تولەپبەرگەن بۇل Amanat پارتياسىنىڭ 2021-2025 جىلدارعا ارنالعان «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ىسكە اسىرۋ جونىندەگى جول كارتاسى اياسىندا بوي كوتەرىپ جاتقان الەۋمەتتىك نىسان ەكەنىنە توقتالدى. قۇرىلىس جۇمىسىنىڭ ساپاسى مەن جوسپارلى ۋاقىتتا اياقتالۋى دەپۋتاتتاردىڭ باقىلاۋىندا ەكەنىن جەتكىزدى.
ال اۋدان اكىمدىگى دارىگەرلىك امبۋلاتوريانىڭ بۇرىنعى ەسكى عيماراتىن تۇرعىن ءۇي رەتىندە قايتا جاساقتاپ, اۋىل دارىگەرلەرىن باسپانامەن قامتاماسىز ەتۋگە قۇلشىنىپ وتىر.
«اۋدانداردى ارالاپ جۇرگەن كەزدە كوپتەگەن جاستارمەن كەزدەستىك. ىشكى ساياسات بولىمدەرىنە قاراستى «جاستار رەسۋرستىق ورتالىقتارىندا» ەڭبەك ەتەتىن قىز-جىگىتتەردىڭ جالاقىسى ماردىمسىز ەكەنىن اڭعاردىم. سول سەبەپتى جەرگىلىكتى اتقارۋشى بيلىك وكىلدەرى «ديپلوممەن – اۋىلعا» باعدارلاماسىنان تىس كەلگەن جاستاردى دا جۇمىسپەن قامتۋ ماسەلەسىن شەشۋى كەرەك. ويتپەسە بولمايدى», دەيدى م.تولەپبەرگەن.
جامبىل وبلىسى