قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باس حاتشىسى لامبەرتو زانەردى قابىلدادى, دەپ حابارلادى سەناتتىڭ ءباسپاسوز قىزمەتى.
سەنات توراعاسى قازاقستاننىڭ ەقىۇ كەڭىستىگىندەگى ىنتىماقتاستىقتى نىعايتۋعا, سونداي-اق, ۇيىمنىڭ پارلامەنتتىك اسسامبلەياسى اياسىنداعى ۇنقاتىسۋعا بەيىمدىلىگىن ناقتىلادى.
ق.توقاەۆ «ۋكرايناداعى شيەلەنىستىڭ شەشىمىن تابۋدا جانە ءۇنقاتىسۋدى قالىپتاستىرۋدا ەقىۇ شەشۋشى ءرول اتقارۋى ءتيىس», دەپ اتاپ ءوتتى.
استانا مەرەيتويلىق دەكلاراتسياسىندا مالىمدەلگەن ەۋرازيالىق جانە ەۋرو-اتلانتيكالىق قاۋىپسىزدىك قوعامداستىعىن قالىپتاستىرۋ تۋرالى ايتا كەلە, توراعا «ەقىۇ-نىڭ استانا ءسامميتىنىڭ رۋحىن ومىرگە ەنگىزۋ كەرەك», دەپ اتاپ ءوتتى.
كەزدەسۋدە, سونداي-اق, ورتالىق ازياداعى ايماقتىق ءوزارا ءىس-قيمىل ماسەلەلەرى دە قوزعالدى.