كەشە ورتالىق كوممۋنيكاتسيالار قىزمەتىندە 1 مامىر – قازاقستان حالقىنىڭ بىرلىگى كۇنىنىڭ استانا قالاسىندا قالاي مەرەكەلەنەتىنى تۋرالى شاھاردىڭ ىشكى ساياسات باسقارماسىنىڭ باستىعى بولات تىلەپوۆ, مادەنيەت باسقارماسىنىڭ باستىعى بولات موجاعۇلوۆ ايتىپ بەردى.
كەزدەسۋگە, سونداي-اق ۋكراين ەتنومادەني بىرلەستىگىنىڭ ءتورايىمى تامارا شەرمەت, كورەيلەردىڭ ەتنومادەني بىرلەستىگى توراعاسىنىڭ ورىنباسارى روزا پاك جانە وزبەك ەتنومادەني ورتالىعىنىڭ توراعاسى شەرزوت پۋلاتوۆ قاتىستى.
الدىمەن ءسوز العان بولات تىلەپوۆ بارلىق مەرەكەلىك ءىس-شارالار وتە جوعارى دەڭگەيدە وتەتىن بولادى, دەپ باستادى ءوزىنىڭ ءسوزىن. ەلباسىنىڭ قازاقستان حالقى اسسامبلەياسىنىڭ كەزەكتى سەسسياسىندا كوتەرگەن باستامالارىنىڭ اياسىندا نەگىزگى ءىس-شارالار ءبىر جوسپارعا بىرىكتىرىلدى. وندا بەلگىلەنگەن شارالاردىڭ ءبىرازى قالادا 14 ساۋىردەن باستالىپ تا كەتتى. جالپى, 2 مامىرعا دەيىن ۇلكەندى-كىشىلى 40 ءىس-شارا جوسپارلانعان. سونىڭ ىشىندە رۋحاني-يدەولوگيالىق شارالار جۇمىستار لەگى الدىڭعى ورىندا تۇر. وسى باعىتتا بارلىق وقۋ ورىندارىندا بىرلىك پەن ىنتىماقتى ناسيحاتتايتىن شارالار ءوتىپ جاتىر. ەكىنشى ورىندا الەۋمەتتىك ماڭىزى بار ماسەلەلەر قاراستىرىلعان. مۇنىڭ ماقساتى – مەملەكەتتىڭ كومەگىنە مۇقتاج جاندارعا جاردەم كورسەتۋ.
قازاقستان حالقىنىڭ بىرلىگى نەگىزىنەن ساياسي-يدەولوگيالىق پىشىمدە وتەتىن مەرەكە بولعاندىقتان, مەملەكەت تاراپىنان ماتەريالدىق كومەك كورسەتۋگە ارنايى شەشىم بولماعان, بىراق سوعان قاراماي ءاربىر ءوڭىر جەرگىلىكتى بيۋدجەتتىڭ ءمۇمكىنشىلىكتەرىنە قاراي ءتۇرلى قولداۋلار كورسەتەتىن بولادى. سونىڭ ىشىندە جالعىزباستى 615 زەينەتكەرگە ءبىر رەتتىك ءجاردەم كورسەتىلەدى. قالالىق كاسىپكەرلەر پالاتاسى جاعدايى تومەن وتباسىلارعا ارنايى داستارقان جايىپ, ءوز اتتارىنان ازىق-ت ۇلىك پاكەتىن تاراتادى. سونىمەن بىرگە, ساۋدا-ساتتىق ورىندارىنىڭ وسى كۇنى ءبىرىنشى كەزەكتەگى قاجەتتى تاماق ونىمدەرىنە جەڭىلدىك قاراستىرۋ ۇيىمداستىرىلادى, دەي كەلىپ بولات تىلەپوۆ مادەني-شىعارماشىلىق شارالارعا توقتالدى. مەرەكەنىڭ ەڭ باستى مادەني شاراسى – «قازاق ەلى» مونۋمەنتى الدىنداعى اۋقىمدى, تەاترلاندىرىلعان قويىلىم. وسىنداي مەرەكەلىك شارا 2 مامىر كۇنى قالالىق الاڭدا دا وتەدى.
مادەني شارالاردىڭ اۋقىمى جونىندە ايتۋ ءۇشىن ءسوز كەزەگىن ارىپتەسى, قالالىق مادەنيەت باسقارماسىنىڭ باستىعى بولات موجاعۇلوۆقا بەردى.
ول ەڭ باستى ساحنا – «قازاق ەلى» مونۋمەنتىنىڭ قاسىندا ءۇش جەرگە كونتسەرتتىك باعدارلاما قويىلاتىنىن جەتكىزدى. ەڭ نەگىزگى ساحنادا ساعات 11.00-دەن 14.00-گە دەيىن 700-دەن استام ارتىستەر مەن انشىلەر ءوز ونەرلەرىن كورسەتەدى. ال كىشىلەۋ ەكى ساحنادا ەتنومادەني ورتالىقتار وكىلدەرى ونەرلەرىن ۇسىناتىن بولادى. ونداعى ونەرپازدار سانى 400-دەن كەم بولمايدى. قازاقستاننىڭ جانە تمد ەلدەرىنەن كەلەتىن بي انسامبلدەرى دە ءوز ونەرلەرىن ورتاعا سالادى, دەي كەلىپ باسقارما باستىعى ولاردىڭ ءبىرقاتارىن اتاپ ءوتتى. سونىڭ ءىشىندە گرۋزيادان, تۇركيادان, رەسەيدەن, وزبەكستاننان ونەر ۇجىمدارى بولاتىنىن جەتكىزدى.
ب.موجاعۇلوۆ ودان ءارى سپورتتىق جارىستار ءۇشىن دە پوديۋمدار ۇيىمداستىرىلاتىنىن ايتتى. 15 ساۋدا نۇكتەسى ازىق-ت ۇلىك ساتىپ, مەرەكەلىك الاڭنىڭ ءارىن اشا تۇسەتىن بولادى. سونداي-اق, ءارتۇرلى ەتنوستاردىڭ اس ءمازىرىنىڭ كورمەسى دە بولادى, دەدى ول. ءبىر قىزىعى, بۇرىنعىداي ەتنومادەني ءبىرلەستىكتەردىڭ قولونەر كورمەسى ەمەس, تۇرمىستىق سالت-ءداستۇرلەرىن كورسەتەتىن ەتنواۋىلدار ۇيىمداستىرىلادى ەكەن. سونىمەن قاتار, ب.موجاعۇلوۆ قالالىق اكىمدىكتىڭ الدىندا بولاتىن مەرەكەلىك شارالاردىڭ باعدارلاماسىن دا ايتىپ ءوتتى. ءسوزىنىڭ سوڭىندا ول وسىناۋ مەرەكەلىك الاڭدارعا كەم دەگەندە 100 مىڭنان ارتىق ادام كەلەدى دەپ جوسپارلانعانىن جەتكىزدى.
جاقسىباي سامرات,
«ەگەمەن قازاقستان».