پارلامەنت سەناتىنىڭ دەپۋتاتى مۇرات باقتيار ۇلى جاڭاقورعان اۋدانىنداعى ساپارى اياسىندا سۇتتىقۇدىق اۋىلدىق وكرۋگىندە, جايىلما ەلدى مەكەنىندە بولىپ, تۇرعىندارمەن كەزدەستى.
سۇتتىقۇدىق – سۋ تاپشىلىعىن تارتىپ وتىرعان اۋىلدىق وكرۋگتەردىڭ ءبىرى. قازىر مۇندا بيۋدجەتتەن قارجى ءبولىنىپ, جاڭادان 800 گەكتار سۋارمالى جەردى اينالىمعا قوسۋ جۇمىستارى جاسالىپ جاتىر. سەناتور جەرى شۇرايلى جاڭاقورعاندا باۋ-باقشا القابىن ۇلعايتۋ جايلى ويىن ايتىپ, تۇرعىنداردىڭ وسىعان بايلانىستى پىكىرىن تىڭدادى.
ەلىمىزدەن بولەك سىرت مەملەكەتتەرگە دە قاربىز جونەلتىپ جاتقان جايىلمالىقتارعا بيىل كۇن رايى قاراسىپ-اق تۇر. گەكتارىنان 35-40 توننا ءونىم العان شارۋالار العاشقىدا 100 تەڭگەدەن وتكىزسە, قازىرگى باعا – 45 تەڭگە توڭىرەگىندە. ولاردان قاربىزدى وسى باعادا العان الىپساتارلار باسقا وڭىرلەردە 2-3 ەسەگە قىمباتقا ساۋدالاپ وتىر.
«بۇل «كووپەراتسيا تۋرالى» زاڭنىڭ تولىق جۇمىس ىستەمەي تۇرعاندىعىن كورسەتەدى. ءوندىرۋشىنىڭ ءونىمىن تۇتىنۋشىعا دەلدالسىز تىكەلەي وتكىزگەنى ەكى جاققا دا ءتيىمدى. سوندا بەلى بۇگىلىپ بەينەتتەنبەي-اق دايىن ءونىمدى قىمباتتاتىپ وتىرعانداردىڭ جولى كەسىلەدى. بازار باعاسى دا قالىپقا كەلەدى. جاڭاعى زاڭعا سايكەس شاعىن شارۋاشىلىقتار بىرىگىپ, مەملەكەت قولداۋىنا سۇيەنە الادى», دەيدى سەناتور.
سەناتور ورتا عاسىر جادىگەرى سىعاناق قالاشىعىنا باردى. تاريحي شاھاردىڭ نەگىزگى بولىكتەرىن قالىپقا كەلتىرىپ, تۋريزم ورتالىعىنا اينالدىرۋ جونىندە پىكىرىن ءبىلدىردى. ساپار اياسىندا اۋدانعا قاتىستى وزگە دە پروبلەمالىق ۇسىنىستار تالقىلاندى.
قىزىلوردا وبلىسى