ادامزات 2030 جىلعا قاراي اشتىقتان قۇتىلامىز دەگەن ماقساتىنان الشاقتاپ بارادى. بۇۇ ساراپشىلارى وسىنداي قورىتىندى جاسادى. سەبەبى بىلتىر الەمدە 830 ميلليونعا جۋىق ادام ازىقپەن جەتكىلىكتى قامتىلماعان, بۇل - جەر شارىنداعى حالىقتىڭ 10 پايىزى, دەپ حابارلايدى Egemen.kz ەuronews اگەنتتىگىنە سىلتەمە جاساپ.
2020 جىلمەن سالىستىرعاندا اشتىققا ۇشىراعاندار سانى 46 ميلليونعا ارتتى. جالپى, پاندەميا باستالعاننان بەرى ازىق-ت ۇلىك جەتىسپەۋشىلىگىنەن زارداپ شەككەندەر سانى 150 ميلليونعا وسكەن.
ء«بىز كەدەيشىلىكتىڭ شەگىنە جەتىپ قالعانىن كورىپ وتىرمىز, ونىمەن كۇرەسۋ ءۇشىن ونداعان جىلدار بويى جۇرگىزىلگەن كۇش-جىگەر بوسقا كەتتى. الەمدە بايلار مەن كەدەيلەر اراسىنداعى الشاقتىق ۇلعايىپ بارادى. ەرەكشە الاڭداۋشىلىق تۋدىراتىن جايت - ادامداردىڭ قالىپتى تاماقتانۋعا مۇمكىندىگىنىڭ جوقتىعى», دەدى ازىق-ت ۇلىك جانە اۋىل شارۋاشىلىعى ۇيىمىنىڭ (فاو) باس ەكونوميسى ماكسيمو تورەرو.
ازىق-ت ۇلىكتىڭ جەتىسپەۋشىلىگى ازيا, افريكا, لاتىن امەريكاسى جانە كاريب باسسەينىندە بايقالدى. قازىر الەمدە جاعداي كۇرت ناشارلادى. ەگەر وزگەرىس بولماسا, 2030 جىلى 670 ميلليون ادام اشتىققا ۇشىرايدى, بۇل - شامامەن 2015 جىلعى كورسەتكىشپەن تەڭ.