26 ماۋسىمدا «اقجايىق» مەملەكەتتىك تابيعي رەزەرۆاتىنىڭ تەرريتورياسىندا, مەكەمە ينسپەكتورلارى قۇستاردىڭ قىرىلۋ فاكتىسىن انىقتادى, دەپ حابارلايدى Egemen.kz ەكولوگيا, گەولوگيا جانە تابيعي رەسۋرستار مينيسترلىگىنىڭ Telegram كانالىنا سىلتەمە جاساپ.
ايماقتى تەكسەرىس كەزىندە مىڭنان استام ۇلكەن قارقىلداق, 1200-دەن استام قىلاڭ قاراباس شاعالا جانە ءۇش ءجۇز وگىز شاعالا ولەكسەسى تىركەلدى. اتالعان تۇرلەردىڭ ىشىندە قىلاڭ قاراباس شاعالا قۇسى قازاقستاننىڭ قىزىل كىتابىنا ەنگىزىلگەن.
«بەس قۇستان, ونىڭ ىشىندە ءۇش قىلاڭ قاراباس شاعالادان جانە ەكى وگىز شاعالادان ىشكى قۇرىلىستارىنىڭ سىناماسى الىنىپ, ساراپتاماعا جولداندى», دەلىنگەن حابارلامادا.
ايانا توعانبەك