قوستاناي حالىقارالىق اۋەجايىنا احمەت بايتۇرسىن ۇلىنىڭ ەسىمى بەرىلدى. بۇل تۋرالى ۇكىمەت قاۋلىسى جاريالاندى, دەپ حابارلايدى Egemen.kz.
«بيىلعى احمەت بايتۇرسىن ۇلىنىڭ مەرەيتويى اياسىندا رەسپۋبليكالىق جانە وبلىستىق جوسپارلار بار. بۇگىندە كوپتەگەن ءىس-شارالار اتقارىلىپ جاتىر. سونىڭ ءبىر ماڭىزدىسى — قوستاناي قالاسىنداعى حالىقارالىق اۋەجايعا احمەت بايتۇرسىن ۇلىنىڭ ەسىمىن بەرۋ تۋرالى شەشىم. بۇل باستامانى كوتەرگەن — اۋەجايدىڭ ۇجىمى. ودان بولەك وسى ۇسىنىستى قوعام بەلسەندىلەرى, زيالى قاۋىم وكىلدەرى ءتۇرلى جەرلەردە ايتىپ ءجۇردى. سوندىقتان ول ۇجىمنىڭ تالقىسىنا سالىنىپ, قولداۋ تاۋىپ, ءتيىستى راسىمدەردەن وتكىزىلدى. ەندى ادىلەت ورگاندارىنا قۇجات رەسمي تىركەلگەننەن كەيىن حالىقارالىق اۋەجايعا احمەت بايتۇرسىن ۇلىنىڭ ەسىمى بەرىلەدى», دەدى قوستاناي وبلىستىق مادەنيەت باسقارماسىنىڭ باسشىسى ەرلان قالماقوۆ.
سونداي-اق ونىڭ ايتۋىنشا, قوستاناي قالاسىندا ورنالاسقان بىرنەشە مەكتەپ ۇجىمى وقۋ ورداسىنا احمەت بايتۇرسىن ۇلىنىڭ ەسىمىن بەرۋ ۇسىنىسىن جاساعان. ازىرگە بۇل باستامالار زەردەلەنۋدە.
ايانا توعانبەك