قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن ازامات ومىرزاق ۇلى بەيىسبەكوۆ قر ەحاقم اپپاراتىنىڭ باسشىسى بولىپ تاعايىندالدى, دەپ حابارلايدى Egemen.kz ۇكىمەتتىڭ سايتىنا سىلتەمە جاساپ.
وسى قىزمەتتى اتقارىپ كەلگەن ايدا دادەنقىزى قۇرمانعاليەۆا ە ڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن جۇمىستان بوساتىلدى.
ازامات بەيىسبەكوۆ 1985 جىلى قاراعاندى قالاسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن تامامداعان.
پرەزيدەنتتىك جاستار كادر رەزەرۆىنىڭ مۇشەسى. ەڭبەك جولىن 2009 جىلى قر كەدەندىك باقىلاۋ كوميتەتىنىڭ كەدەندىك راسىمدەۋ مامانىنىڭ مىندەتىن اتقارۋشى بولىپ باستاعان.
2009-2011 جىلدارى — قر يندۋستريا جانە جاڭا تەحنولوگيالار مينيسترلىگى يندۋستريالىق-يننوۆاتسيالىق دامۋدى سالاارالىق ۇيلەستىرۋ دەپارتامەنتىنىڭ ساراپشىسى, باس ساراپشىسى.
2011-2012 جىلدارى — قر پرەمەر-ءمينيسترى كەڭسەسىنىڭ يندۋستريالىق-يننوۆاتسيالىق دامۋ ءبولىمىنىڭ باس ساراپشىسى, باس كونسۋلتانتى.
2012-2015 جىلدارى قر پرەزيدەنتى اكىمشىلىگىندە ءتۇرلى لاۋازىمداردا قىزمەت ەتتى.
2015-2020 جىلدارى — قر قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمىنىڭ كونسۋلتانتى; ينسپەكتورى; سەكتور مەڭگەرۋشىسى.
2020 جىلعى اقپاننان باستاپ قر قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمى مەڭگەرۋشىسىنىڭ ورىنباسارى بولدى.