مەملەكەت باسشىسى نۇرسۇلتان نازارباەۆ ەۋرازيالىق ەكونوميكالىق كوميسسيا القاسىنىڭ توراعاسى ۆيكتور حريستەنكومەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ كەزىندە جوعارى ەۋرازيالىق ەكونوميكالىق كەڭەستىڭ مينسكىدە وتەتىن الداعى وتىرىسىنىڭ كۇن ءتارتىبىنىڭ نەگىزگى ماسەلەلەرى تالقىلاندى.
قازاقستان پرەزيدەنتى مەملەكەتتەر باسشىلارىنىڭ جوسپارلانعان كەزدەسۋىنىڭ ماڭىزدىلىعىن, وندا ينتەگراتسيالىق قۇرىلىمدار اياسىندا بۇدان ارعى ءوزارا ىقپالداستىقتىڭ نەگىزگى باعىتتارى جونىندە پىكىر الماسىلاتىنىن اتاپ ءوتتى.
ۆ.حريستەنكو قازاقستاننىڭ, رەسەي مەن بەلارۋستىڭ, سونداي-اق, كوميسسيانىڭ ءوز ساراپشىلارىنىڭ ۇلكەن توبى جۇمىس جۇرگىزىپ جاتقان ەۋرازيالىق ەكونوميكالىق وداق تۋرالى شارتتىڭ ازىرلەنۋ بارىسى تۋرالى باياندادى.