قازاقستاندىق تەننيسشىلەر وسى اپتادا ءىرى جارىستاردا باق سىنايدى, دەپ حابارلايدى Egemen.kz.
قازاقستان تەننيس فەدەراتسياسىنىڭ مالىمەتىنشە, قازاستاننىڭ ءبىرىنشى راكەتكاسى ەلەنا رىباكينا مەن دۇنيەجۇزىلىك رەيتينگتە 33-ورىندا تۇرعان يۋليا پۋتينتسەۆا يستبورن ( ۇلىبريتانيا) WTA 500 ءتۋرنيرىن ەكىنشى اينالىمنان باستايدى.
اننا دانيلينا جۇپتىق سىندا برازيليالىق بەاتريس حادداد مايامەن بىرگە العاشقى اينالىمدا سەربيالىق الەكساندرا كرۋنيچ – پولشا وكىلى ماگدا لينەتپەن كەزدەسەدى.
زارينا دياس جاراقاتىنا بايلانىستى ۋيمبلدوندى قوسا العاندا, كوگالداعى توسەنىشتە وتەتىن دودالاردان تىس قالىپ وتىر. قازاقستاننىڭ ەرلەر اراسىنداعى ءبىرىنشى راكەتكاسى الەكساندر بۋبليك يستبورن ATP 250 جارىسىندا باستاپقى ماتچىن امەريكالىق فرەنسيس تيافومەن وتكىزەدى.
الەكساندر نەدوۆەسوۆ جۇپتىق سىندا پاكىستاندىق ايسام كۋرەشيمەن بىرگە ۇلىبريتانيالىقتار دجۋليان كەش – گەنري پاتتەنمەن شەبەرلىك بايقاسادى. اندرەي گولۋبەۆ مالوركا (يسپانيا) ATP 250 دوداسىندا ارگەنتينالىق ماكسيمو گونسالەسپەن بىرگە العاشقى اينالىمدا پولياك حۋبەرت گۋركاچ – امەريكالىق سەباستيان كوردادان وتۋگە تىرىسادى.
ميحايل كۋكۋشكين ۋيمبلدون ءتۋرنيرىنىڭ ىرىكتەۋ سايىسىندا يتاليالىق لورەنتسو دجۋستينومەن وينايدى. تاعى بىرنەشە قازاقستاندىق تەننيسشى ءتۇرلى تۋرنيرلەردە ونەر كورسەتەدى.