قازاقستاندىق تەننيسشىلەر دەنيس ەۆسەەۆ پەن بەيبىت جۋكاەۆ جەكەلەي سىندا اقش-تىڭ كانزاس شتاتى ۋيچيتو قالاسىندا ءوتىپ جاتقان ITF ءتۋرنيرىنىڭ شيرەك فينالىنا شىقتى, دەپ حابارلايدى Egemen.kz.
وسى جارىستىڭ ءبىرىنشى راكەتكاسى بولىپ تىركەلگەن د.ەۆسەەۆ ەكىنشى اينالىمدا امەريكالىق رايان شەينمەن شەبەرلىك بايقاستى.
قازاقستاندىق تەننيسشى 1 ساعات 25 مينۋتقا سوزىلعان ماتچتا قارسىلاسىن 6:4, 7:5 ەسەبىمەن ۇتتى. دودانىڭ التىنشى راكەتكاسى د.ەۆسەەۆ تاعى ءبىر امەريكالىق نوا شاحتەردان ايلاسىن اسىردى – 6:4, 6:2.
ەندى د.ەۆسەەۆ پەن ب.جۋكاەۆ شيرەك فينالدا ءوزارا كەزدەسەدى. جەڭگەنى جارتىلاي فينالعا شىعادى. قازاقستاندىق تەننيسشىلەر جۇپتىق سىندا دا جارىس جولىن جالعاستىرۋدا.
ولار شيرەك فينالدا ۇلىبريتانيالىق دەۆيد فوكس – جاپونيالىق سيۋيتي سەكيگۋتيدەن وتۋگە تىرىسادى.