ەلباسىمىز ن.ءا.نازارباەۆتىڭ حالىققا جولداۋىندا «قازاقستان-2050» ستراتەگياسىنىڭ ماقساتى قازاقستاننىڭ ەڭ دامىعان 30 مەملەكەتتىڭ قاتارىنا قوسىلۋى ەكەندىگىن اتاپ وتكەنى بارىمىزگە ايان. سونىمەن قوسا, قۋاتتى ەل بولۋ يدەياسىنىڭ جاريالانۋى بۇكىل قازاقستاندىقتاردىڭ بىرلىگىن, ىنتىماعى مەن تۇتاستىعىن ساقتاپ, بولاشاققا دەگەن سەنىممەن قادام باسۋدا ۇلكەن ماڭىزعا يە دەپ بىلەمىن.
ەڭ دامىعان 30 ەلدىڭ قاتارىنا ەنۋ 7 ءتۇرلى باعىتتاعى ماسەلەلەردىڭ شەشىلىپ, ماقساتتاردىڭ ىسكە اسىرىلۋىنسىز ورىندالمايدى. سوندىقتان دا, الدىمىزدا الار اسۋلار از ەمەس.
مەملەكەت باسشىسى اتاپ وتكەن اسۋلاردىڭ ءبىرى – يننوۆاتسيالىق يندۋستريالاندىرۋ ترەندىن تۇزەۋ جانە كۇشەيتە ءتۇسۋ ءۇشىن ءداستۇرلى ءوندىرۋشى سەكتور تيىمدىلىگىن ارتتىرۋ, راسىندا دا, وتە ماڭىزدى. وسى كەزگە دەيىن ەلىمىزدە بۇل سالادا 2020 جىلعا دەيىنگى دامۋ ستراتەگياسى بويىنشا كوپتەگەن ىستەر اتقارىلىپ جاتىر. مىسالى, «تەحنولوگيالىق دامۋ جونىندەگى ۇلتتىق اگەنتتىك» اق مەملەكەتتىك قولداۋ شارالارىن ۇيىمداستىرۋ بارىسىندا تىلگە تيەك ەتەرلىك كوپتەگەن ءىس-شارالار اتقارۋدا. قازىرگى كەزدە ەلىمىزدە «تەحنولوگيالىق دامۋ جونىندەگى ۇلتتىق اگەنتتىك» اق نەگىزىندە ەكى حالىقارالىق ترانسفەرت ورتالىعى, بەس ءارتۇرلى سالاداعى كونسترۋكتورلىق بيۋرولار, جەتى «يننوۆاتسيالىق تەحنولوگيالار پاركى» ارنايى ەكونوميكالىق ايماعى ۇيىمداستىرىلىپ, جۇمىس ىستەۋدە.
مەن پرەزيدەنت قامقورلىعىمەن جۇزەگە اسىپ كەلە جاتقان «بولاشاق» حالىقارالىق باعدارلاماسىمەن قازىر پولشانىڭ ۆارشاۆا پوليتەحنيكالىق ينستيتۋتىنىڭ وندىرىستىك ينجينەريا فاكۋلتەتىندە, «ماشينا جاساۋ» ماماندىعى بويىنشا 4-ءشى كۋرستا ءبىلىم الۋدامىن.
جاسىراتىنى جوق, قازاقستاننىڭ ءوندىرىس سالاسىندا باسەكەگە قابىلەتتىلىگى قازىرشە تومەن. سوندىقتان, ەلباسى ءوز جولداۋىندا ايتقانداي, «عىلىمي قامتىمدى ەكونوميكا قۇرۋ – ەڭ الدىمەن قازاقستان عىلىمىنىڭ الەۋەتىن ارتتىرۋ» ارقىلى عىلىم مەن ءوندىرىستى ۇشتاستىرا ءبىلۋىمىز كەرەك دەپ ويلايمىن. ول ءۇشىن جوعارىدا ايتىلعان ءىرى تەحنولوگيالىق پاركتەردىڭ جۇمىسىن بارىنشا جاقسارتۋىمىز كەرەك.
مەنىڭ ءوز ەلىمە دەگەن قوسار ۇلەسىمە كەلسەك, شەتەلدە العان ءبىلىمىمدى كەلەشەكتە ەلىمىزدىڭ ءوندىرىس سالاسىن دامىتۋعا, سوڭعى جەتىلدىرىلگەن تەحنولوگيالارمەن جۇمىس جاساۋعا جۇمساماقپىن. «قۋاتتى ەل» ۇلتتىق يدەياسىن جۇرەگىمە تۋ ەتىپ, ەلىمىزدىڭ ەڭ دامىعان وتىز ەلدىڭ قاتارىنا قوسىلۋى ءۇشىن ايانباي ەڭبەك ەتىپ, تەڭىزدىڭ تامشىسىنداي بولسا دا ۇلەس قوسۋ مەنىڭ ازاماتتىق بورىشىم دەپ بىلەمىن. ال تەڭىز تامشىدان قۇرالماي ما, اعايىن!؟
اياز جامالبەكوۆ.
پولشا,
ۆارشاۆا.