پرەزيدەنت ن.ءا.نازارباەۆتىڭ ۇكىمەتتىڭ 2014 جىلعى
14 اقپانداعى كەڭەيتىلگەن وتىرىسىندا سويلەگەن سوزىنەن.
«دامۋ» كاسىپكەرلىكتى دامىتۋ قورى وڭدەۋشى ونەركاسىپتەگى شاعىن جانە ورتا بيزنەس سۋبەكتىلەرىن قارجىلاندىرۋ ءۇشىن 100 ملرد.تەڭگەنى ورنالاستىرۋ تۋرالى ەكىنشى دەڭگەيدەگى بانكتەرمەن نەسيە كەلىسىمىنە قول قويدى. نەسيە كەلىسىمى «دامۋ» كاسىپكەرلىكتى دامىتۋ قورى» اق جانە 13 وتاندىق ەكىنشى دەڭگەيدەگى بانكتەر اراسىندا جاسالدى. قۇجاتقا سايكەس اتالعان قارجىنى ەكىنشى دەڭگەيدەگى بانكتەر وڭدەۋشى ونەركاسىپ جوبالارىن ىسكە اسىراتىن شاعىن جانە ورتا بيزنەس كاسىپكەرلەرىنە التى اي ىشىندە بەرۋلەرى ءتيىس. قارجىلاندىرۋدىڭ باعىتتارى: 50 ملرد. تەڭگە – شاعىن جانە ورتا بيزنەستىڭ جاڭا جوبالارى (ونىڭ ىشىندە 25 ملرد. تەڭگە ازىق-ت ۇلىك ءوندىرىسى – تاماق ونەركاسىبىنىڭ جوبالارىنا بولىنەدى); 50 ملرد. تەڭگە – جۇمىس ىستەپ تۇرعان قارىز الۋشىلاردى قايتا قارجىلاندىرۋ. «دامۋ» كاسىپكەرلىكتى دامىتۋ قورى» اق ارقىلى ەكىنشى دەڭگەيدەگى بانكتەرگە بەرىلەتىن نەسيە تالاپتارى: قارجىلاندىرۋ ۆاليۋتاسى – تەڭگە. سىياقى مولشەرلەمەسى – جىلدىق 2%. مەرزىمى - 240 اي. ماقساتتى پايدالانۋى – وڭدەۋشى ونەركاسىپ جوبالارىن ىسكە اسىراتىن شاعىن جانە ورتا كاسىپكەرلىك سۋبەكتىلەرىن نەسيەلەندىرۋ; يگەرۋ مەرزىمى – ليميت اشىلعاننان كەيىن 6 اي. ەكىنشى دەڭگەيدەگى بانكتەردىڭ مارجاسى – جىلدىق 4% كوپ ەمەس. وڭدەۋشى ونەركاسىپتە جوبالارىن ىسكە اسىراتىن كاسىپكەرلەرگە بەرىلەتىن نەسيە تالاپتارى: قاتىسۋشىلار – وڭدەۋشى ونەركاسىپتە جوبالارىن ىسكە اسىراتىن شاعىن جانە ورتا بيزنەس سۋبەكتىلەرى; قارجىلاندىرۋ ءليميتى – 1 850 ملن.تەڭگەگە دەيىن. قارجىلاندىرۋ ۆاليۋتاسى – تەڭگە. سىياقى مولشەرلەمەسى – جىلدىق 6%. مەرزىمى - 120 ايدان كوپ ەمەس. ماقساتتى پايدالانۋى – وڭدەۋشى ونەركاسىپ سالاسىنداعى جوبالار; كوميسسيالار – كوميسسياسىز, الايدا شاعىن جانە ورتا بيزنەستىڭ باستاماسىمەن نەسيە تالاپتارى ءوزگەرگەن جاعدايدا, كوميسسيا مولشەرى «دامۋ» قورىمەن كەلىسىلەدى. بۇل مەملەكەت باسشىسىنىڭ ەكونوميكاعا قولداۋ كورسەتۋ جانە ونىڭ ءوسىمىن 6-7% دەڭگەيىندە قامتاماسىز ەتۋ تۋرالى تاپسىرماسىن ىسكە اسىرۋدىڭ العاشقى قادامى. وسى قاراجاتتى ءبولۋ شاعىن جانە ورتا بيزنەستىڭ جاڭا جوبالارى بويىنشا ينۆەستيتسيالىق قىزمەتىن ىنتالاندىرادى, سونىمەن بىرگە كاسىپكەرلەرگە نەسيەلەرىن اسا ءتيىمدى شارتتارمەن قايتا قارجىلاندىرىپ, تۇراقتى جۇمىسىن جالعاستىرۋعا جانە وندىرىستىك قىزمەتىن ىسكە اسىرۋعا مۇمكىندىك تۋعىزادى. «دامۋ» كاسىپكەرلىكتى دامىتۋ قورى» اق-تىڭ باسقارما ءتورايىمى ءلاززات يبراگيموۆا «دامۋ» قورى نەسيە قارجىسىن بەرۋدىڭ بارلىق پروتسەدۋرالارىنا قاتىستى بىلاي دەپ اتاپ كورسەتەدى: «بانكتەرگە وسى باعدارلاما اياسىندا قانداي دا ءبىر كوميسسيا, ايىپپۇل, ءوسىمپۇل تۇرلەرىن الۋعا تىيىم سالىنادى جانە بۇل قارجى ۇلتتىق قوردىڭ رەسۋرستارى بولعاندىقتان, ولار وتاندىق تاماق, توقىما, مەتاللۋرگيا, ماشينا جاساۋ ونەركاسىپتەرىنە بەرىلەدى. دامۋ شاعىن جانە ورتا بيزنەس وكىلدەرى نەسيەنى قاراستىرۋعا ارتىق كوميسسيا تولەمەس ءۇشىن بارلىق پروتسەدۋرالاردى ەگجەي-تەگجەيلى باقىلايدى. سونىمەن قاتار, ءبىز بانكتەردى ىنتالاندىرامىز, ولارعا ورتاق قارجىلاندىرۋ كورسەتىلەدى جانە جوبالارعا باسقا دا قوسىمشا رەسۋرستار تارتاتىن بولامىز».