ۇلتتىق ۇلاننىڭ جاۋىنگەرلەرى وزىنە-ءوزى قول جۇمساماق بولعان تۇرعىندى قۇتقارىپ قالدى, دەپ حابارلايدى Egemen.kz Polisia.kz سايتىنا سىلتەمە جاساپ.
9 ماۋسىم كۇنى قوعامدىق ءتارتىپتى ساقتاۋ بويىنشا قىزمەتتەرىن اتقارىپ جۇرگەن ۇلتتىق ۇلان 6506 اسكەري ءبولىمىنىڭ ساربازدارى بولىمگە قايتۋ ءۇشىن جينالىپ جاتقان كەزدە «كومەكتەسىڭدەر!» دەگەن ايەل ادامنىڭ داۋىسىن ەستيدى. داۋىس شىققان جاققا جونەلگەن ساربازدار بەلگىسىز ازاماتتىڭ ءوز ءۇيىنىڭ اۋلاسىندا اعاشقا اسىلىپ تۇرعانىن بايقايدى.
«قىزمەت اياقتالعان كەز ەدى. ساعات 23.25 شامالارىندا ايەل ادامنىڭ كومەككە شاقىرىپ جاتقان داۋىسىن ەستىدىك. ويلانباستان داۋىس شىعىپ جاتقان جاققا ءبىر جاساق بوپ بارعان كەزىمىز ەدى, اسىلىپ تۇرعان ازاماتتى كورىپ, ونى شەشىپ الدىق», دەيدى ءبولىمنىڭ قاتارداعى ساربازى ارتەم يۆۋشكين. ساربازدار العاشقى مەديتسينالىق كومەك كورسەتكەن سوڭ, ەر ازامات ەسىن جيعان. وقيعا ورنىنا جەدەل جاردەم شاقىرىلىپ, تۇرعىن دارىگەرلەرگە تاپسىرىلعان.