پارلامەنت پالاتالارىن قۇرۋدىڭ رەفەرەندۋم ارقىلى ماقۇلدانعان جاڭا ەرەجەسى سەگىزىنشى شاقىرىلىمنىڭ ءماجىلىس دەپۋتاتتارىن سايلاۋدان باستاپ قولدانىلادى. بۇل تۋرالى ادىلەت ۆيتسە-ءمينيسترى الما مۇقانوۆا ورتالىق كوممۋنيكاتسيالار قىزمەتىندە وتكەن بريفينگتە ايتتى, دەپ حابارلايدى Egemen.kz.
«پارلامەنت پالاتالارىن قۇرۋدىڭ جاڭا ءتارتىبىن ايقىندايتىن نورمالار سەگىزىنشى شاقىرىلىمنىڭ ءماجىلىس دەپۋتتاتتارىن سايلاۋدان باستاپ قولدانىلادى», دەدى ءمينيستردىڭ ورىنباسارى.
سونداي-اق ول جەتىنشى شاقىرىلىم دەپۋتاتتارى ازىرگە تاراتىلمايتىنىن ءتۇسىندىردى.
«باق وكىلدەرى قازىر بىزگە «كونستيتۋتسيالىق رەفورمالاردان كەيىن جەتىنشى شاقىرىلىم تاراتىلا ما؟» دەگەن سياقتى سۇراقتار قويىپ جاتىر. قازىر جەتىنشى شاقىرىلىم جۇمىس ىستەپ جاتىر. ولار 2026 جىلدىڭ ءبىرىنشى جارتىجىلدىعىنىڭ اياعىنا دەيىن ءوز قىزمەتىن جالعاستىرادى. قازىر جەتىنشى شاقىرىلىمدى تاراتۋ تۋرالى ماسەلە قويىلىپ وتىرعان جوق», دەدى الما مۇقانوۆا.
ايانا توعانبەك