استانا. 22 ءساۋىر.پاكستاننىڭ وڭتۇستىگىندەگى سيند پروۆينتسياسىندا جول كولىك اپاتىنان 42 ادام قازا بولدى. بۇل تۋرالى Lenta.ru حابارلادى. دەرەكتەرگە قاراعاندا, كاراچي قالاسىنا قاراي باعىت العان جولاۋشىلار اۆتوبۋسى جولدىڭ شەتىندە تۇرعان جۇك كولىگىنە سوعىلعان. قازا بولعانداردىڭ جيىرماعا جۋىعى ايەلدەر مەن بالالار كورىنەدى. جەرگىلىكتى پوليتسيانىڭ اقپارى بويىنشا, جول اپاتى سالدارىنان 20 شاقتى ادام جاراقات العان. وقيعا ورىن العان جەردەگى جولدىڭ ءبىر بولىگى جوندەۋ جۇمىسترانا بايلانىستى جابىلعان ەكەن. اپاتتىڭ سەبەپتەرى انىقتالۋدا. «Associated Press» اگەنتتىگىنىڭ حابارلاۋىنشا, پاكستاندا ەلەۋلى ادام شىعىنىنا سوقتىراتىن جول اپاتتارى ءجيى بولىپ تۇرادى. مۇنداي وقيعالارعا كوبىنەسە جولداردىڭ ساپاسىزدىعى مەن جۇرگىزۋشىلەردىڭ جاۋاپسىزدىعى سەبەپ تۋعىزادى ەكەن. ايدار ورىسباەۆ. دەرەككوز: Lenta.ru. فوتو: Lenta.ru.