«ازيا داۆوسى» اتالىپ جۇرگەن بواو ازيا فورۋمىندا (باف) الەم جۇرتشىلىعىنىڭ نازارىنا قازاقستاننىڭ بولاشاعى زور جوبالارىنىڭ ءبىرى – G-Global جانە استانا ەكونوميكالىق فورۋمى تانىستىرىلدى. باستى مىندەتى ازيا ايماعىنداعى ەكونوميكالىق ىنتىماقتاستىققا ىقپال ەتۋ بولىپ تابىلاتىن باف قازاقستاندىق باستامالار ءۇشىن تاماشا تۇساۋكەسەر الاڭىنا اينالدى.
2014 جىلعى ءساۋىردىڭ 8-ءى مەن 11-ءى ارالىعىندا حاينان (قحر) بواو پروۆينتسياسىندا بواو ازيا فورۋمىنىڭ وتىرىسى ءوتتى. 150 ەلدەن جينالعان دەلەگاتتار ءتورت كۇن بويى الەمدىك ەكونوميكا جانە ساياساتتىڭ وزەكتى تاقىرىپتارىن, ازيا ايماقتارىمەن بىرىگىپ جاڭا بولاشاق قۇرۋ ماسەلەلەرىن تالقىلادى. VII استانا ەكونوميكالىق فورۋمىنىڭ, II دۇنيەجۇزىلىك داعدارىسقا قارسى كونفەرەنتسيانىڭ قۇجاتتارى, الەمدىك داعدارىسقا قارسى جوسپار تۇجىرىمداماسىنىڭ جوباسى مەن G-Global حالىقارالىق اقپاراتتىق-كوممۋنيكاتيۆتىك الاڭىنىڭ قۇجاتتارى باف رەسمي قۇجاتتارىنىڭ قاتارىنا ەندى. بۇل قازاقستاننىڭ حالىقارالىق ارىپتەستەرىنىڭ اتالمىش جوبالاردى ودان ءارى دامىتۋ مەن العا جىلجىتۋداعى ۇلكەن قىزىعۋشىلىعىن بىلدىرەدى.
قازاقستاندىق باستامالاردىڭ تۇساۋكەسەرى شەڭبەرىندە «Boao Review», «Economic Daily», «China Economic Net» سياقتى قىتايلىق باق وكىلدەرىمەن بىرقاتار كەزدەسۋلەر ءوتتى. ولارمەن الدا وتەتىن VII استانا ەكونوميكالىق فورۋمى اياسىندا بىرلەسكەن پىكىرسايىس وتكىزۋ تۋرالى كەلىسىمگە قول جەتكىزىلدى. سونداي-اق, كەلىسسوزدەر قورىتىندىسى بويىنشا بواو ازيا فورۋمى-2014 قاتىسۋشىلارىنا VII استانا ەكونوميكالىق فورۋمى, II ءدۇنيەجۇزىلىك داعدارىسقا قارسى كونفەرەنتسيا, الەمدىك داعدارىسقا قارسى جوسپار تۇجىرىمداماسىنىڭ جوباسى مەن G-Global حالىقارالىق اقپاراتتىق-كوممۋنيكاتيۆتىك الاڭى سياقتى الدا وتەتىن شارالاردىڭ باعدارلامالارى تابىس ەتىلدى. ولار قىتاي حالىق رەسپۋبليكاسىنىڭ باق-تا جاريالانادى. بواو فورۋمى بارىسىندا VII اەف جانە II ددك-عا قىتايلىق جانە حالىقارالىق جوعارى لاۋازىمدى دەلەگاتتار شاقىرىلدى.
«ەگەمەن-اقپارات».