الەم بىزدەن ونەگە الادى

ەلباسى نۇرسۇلتان نازارباەۆ قازاقستان حالقى اسسامبلەياسىنىڭ كەزەكتى سەسسياسىندا «دامۋدىڭ سىرى – بىرلىكتە, تابىستىڭ سىرى –تىرلىكتە». مۇراتقا جولىن تاپقان جەتەدى. ەڭبەگىمىزدىڭ جانباعى ءبىزدىڭ ورتاق ءۇيىمىزدى بەيبىتشىلىكتىڭ بەسىگى ەتىپ, باردى باعالاي ءبىلۋى­مىزگە بايلانىستى. قازاقتى قاسيەتتى قاراشاڭىراققا بالاساق, ەلىمىزدەگى بارشا ەتنوستار – سول شاڭىراققا شانشىلعان ۋىقتار. ورتاق وردامىز – قازاقستاننىڭ بوساعاسىن بەرىك, شاڭىراعىن بيىك ۇستاپ, ءتۇتىنىن ءتۇزۋ ۇشىرۋ – ەلدىك ماقسات», دەپ ورىندى پىكىر ايتتى. شىندىعى دا سولاي, ءبىزدىڭ باستى ماقساتىمىز بىرەۋ, ول –قازاقستانداعى ۇلتارالىق تاتۋ­­­لىقتى ساقتاۋ, ەلىمىزدى الەمدەگى ەڭ وزىق 30 ەلدىڭ قاتارىنا ەنگىزۋ. تاۋەلسىز قازاقستاندى وتانىم دەپ بىلەتىن, وتاندىق ەكونوميكانىڭ قارىشتى قارقىنمەن وركەندەۋىنە ءوزىنىڭ ۇلەسىن قوسقىسى كەلەتىن شىنايى پاتريوتتار وسىناۋ ۇلى ماقسات جولىن ۇستانادى. ءبىز ەلىمىزدەگى تاتۋلىقتى, ەكونوميكالىق وركەندەۋدى ەشتەڭەگە ايىرباستامايمىز. بىرەۋلەر بايلىق جيىپ, شەتەل اسىپ, ەندى بىرەۋلەر تاريحي وتانىنا كەتىپ جاتقاندا دا قازاقستاندى ءوزىنىڭ قۇتتى مەكەنىنە بالاعان بولگارلار ۇدەرە كوشۋدى ويلاعان جوق. ويتكەنى, كىندىك كەس­كەن, ءوسىپ-ونگەن ەلدەن قىمبات ەل بولا ما ەكەن؟ ءدال قازىر مەن ءۇشىن تاتۋلىق مەكەنىنە اينالعان ءبىر عانا ەل بار. ول – قازاقستان. ەلباسى ورىن­دى اتاپ كورسەتكەندەي, قازاق­ستاننىڭ قۋاتتى ەلگە اينا­لۋى­نىڭ ەڭ باستى سىرى – كوپ ۇلتتى حالقىمىزدىڭ بىرلىگىندە. ءبىز­دىڭ بىرلىگىمىز الەمدەگى بارشا ەلگە ونەگە بولىپ وتىر. جاھان جۇر­تى قازاقستانداعى تاتۋلىققا قىزىعىپ تا قارايدى, قىزعانىپ تا قارايدى. ءبىز ۇلتارالىق بىرلىگىمىزدى ساقتاپ, ۇرپاقتان ۇرپاققا جەتكىزە ءبىلۋىمىز قاجەت دەپ ويلايمىن. مىنە, وسى ورايدا الداعى جىلدىڭ قازاقستان حالقى اسسامبلەياسىنىڭ جىلى بولىپ بەلگىلەنۋىنىڭ ءوزى ىنتىماعىمىزدى ىرىستى ەتۋگە, بىرلىگىمىزدى باياندى ەتۋگە ىقپال ەتەدى. قازاقستان حالقى اسسام­بلەيا­سىنىڭ ەلىمىزدەگى ۇلتارالىق تاتۋلىقتى ودان ءارى بەكىتە ءتۇسۋدىڭ باستى تەتىگى بولعانىنا الەم ەلدەرى نازار اۋدارىپ وتىر. ويتكەنى, قازاقستاننان وزگە بىردە-ءبىر ەلدە تۇراقتىلىقتى بەكەمدەيتىن ءدال وسىنداي قوعامدىق ۇيىم جوق. بىرلىكتى ساقتاۋ ارقىلى ءبىز الەمگە ونەگە كورسەتتىك. يۋري كۋستادينچەۆ, «ۆوزروجدەنيە» بولگار ەتنومادەني بىرلەستىگىنىڭ جەتەكشىسى. اتىراۋ وبلىسى.