جۇرەگىمىز اشىق, جولىمىز ءتۇزۋ

جۇرەگىمىز اشىق, جولىمىز ءتۇزۋ – دەدى قازاقستان حالقى اسسامبلەياسىنىڭ مۇشەسى, «ليتۋانيك» وبلىستىق ليتۆان ەتنومادەني بىرلەستىگىنىڭ توراعاسى ۆ.تۆاريوناس تىلدەسكەنىمىزدە

– ۆيتالي يونوۆيچ, اسسام­­­بلەيانىڭ ءححى سەسسياسى جۇ­مى­­­سىنان تۇيگەن ويىڭىز قانداي؟ – وتە زور دەسەم, ارتىق ايتپا­عاندىعىم بولار. ەڭ باستىسى – ەلباسىمىزدىڭ بەيبىتشىلىك پەن كەلىسىمگە نەگىزدەلگەن ساراب­دال ساياساتىنىڭ بارىمىزگە قىم­بات ماقساتتى ودان ءارى نى­عاي­تۋ­عا باعىتتالعان جاڭا شارا­لا­رى قۋانتتى. ءومىردىڭ وزگەرىس­تە­رىنە, تالاپتارىنا سايكەس قازاق­ستاندىقتاردىڭ ۇلكەن مەرەيى مەن ماقتانىشى – دوستىقتىڭ, بىرلىكتىڭ ىرگەتاسى بەرىكتىگىن, ءوسۋ مەن وركەندەۋدىڭ جولىنا تىعىز توپتاسۋىن ۇيىستىرۋشى ۇيىم قىزمەتىنىڭ ماڭىزى ارتا تۇسپەكتىگى كوڭىلگە جىلى اسەر ەتتى. پرەزيدەنت ن.ءا.نازارباەۆ ءوز سوزىندە تولەرانتتىلىق پەن كەلىسىمنىڭ قازاقستاندىق مودەلىن ىلگەرىلەتۋ بويىنشا بىرقاتار جاڭا شارالار قابىلداۋ قاجەتتىگىن اتاسا, سونىڭ ىشىندە اسسامبلەيانىڭ وڭىرلىك دەڭگەيىندەگى قۇرىلىمىن كۇشەيتۋدى, بىرنەشە وبلىستاردا كىشى اسسامبلەيالاردى دامىتۋ تۇجىرىمداماسىن قابىلداۋ كەرەكتىگى تۋرالى تاپسىرماسىن قولدايمىز. 100-دەن استام ەتنوس مەكەنى, 74 ەتنومادەني بىرلەستىك ۇلتتىق سالت-داستۇرلەردى ساقتاۋ, تۇسىنىستىك پەن تۇتاستىقتى ءۇي­لەس­تىرۋ باعىتىندا جۇمىس جۇرگىزەتىن ايماقتا مۇنداي ۇيىمنىڭ ورنى ءبىر توبە بولارى ءسوزسىز. – وسى ورايدا جاعىمدى جاڭا­لىقتىڭ باسىن ايتساڭىز. – پرەزيدەنتىمىز باسقا وبلىستار ورتالىقتارىنداعىداي, قاراعاندىدا دا «دوستىق» ءۇيىن سالۋدى تاپسىرىپ, قۇرىلىسىن باقىلاۋدا ۇستايتىندىعىن ايتتى. شىنىندا, بۇل ءبىزدىڭ كۇتكەن تىلەۋىمىز ەدى. بارلىق ەتنومادەني بىرلەستىكتەر ءبىر شاڭىراق ورتاسىندا باسى قوسىلىپ, تاتۋلىقتى تەرەڭدەتىپ, تۇراقتىلىق تۇعىرىن بيىكتەتىپ جاتۋى تاماشا-اق ءۇردىس قوي. بارىمىزگە ورتاق ىستىق ۇيا بولار ءۇيدىڭ كوپ كۇتتىرمەي ەسىگى اشىلۋىن ەستىپ, قۋانۋدامىز. – ءسىزدىڭ شەتەلدەردە بولىپ تۇراتىڭىزدى بىلەمىز. بالكىم, ەتنوسارالىق قاتىناس جاعىنان سالىستىرۋلار بولار؟ – ارينە, ولاي بولىپ قالادى. قازاقستاننىڭ بۇل رەتتە شىن مانىندە قاي ەلگە دە ونەگە تۇتىلۋعا لايىقتىعى بايقالادى. مۇنى تاريحي وتانىم ليتۆادا بولۋىمدا ءاردايىم ماقتانىشپەن ايتامىن. ونداعى تانىستارىم, تۋعان-تۋىسقاندارىم قاراعاندىعا كەلىپ-كەتىپ جۇرۋلەرىندە سىي­لاس­تىعىمىزعا, نيەت-مۇددە جا­راستىعىمىزعا قىزىعىپ, ءسۇيسىنىپ قايتادى. جۇرەگى اشىق, جولى ءتۇزۋ ادامنىڭ ءومىرى شۋاقتى بولماق ەمەس پە. سۇيىكتى قازاقستانىم سولاي كورىنەدى. اڭگىمەلەسكەن ايقىن نەسىپباي, «ەگەمەن قازاقستان». قاراعاندى.