بۇل كۇندەرى ازەربايجاننىڭ استاناسى – باكۋدە نىسانا كوزدەۋدەن الەم كۋبوگى جولىنداعى باسەكەلەر ءوتىپ جاتقانى بەلگىلى. جارىستىڭ كەزەكتى كۇنىندە ەل قورجىنىنا تاعى ءبىر جۇلدە ءتۇستى.
سپورتتى دامىتۋ ديرەكتسياسىنىڭ مالىمەتى بويىنشا, كەشە مەرگەندەر ستەند اتۋدىڭ تراپ جاتتىعۋىندا جۇلدەگە تالاستى. قولا مەدال ءۇشىن ارالاس سىندا قازاقستاندىق ۆيكتور حاسيانوۆ پەن ماريا دميتريەنكو امەريكالىق جۇپ دەرريك سكوتت ماين مەن رەيچەل لەيەنن توزيەردى 6:4 ەسەبىمەن جەڭىپ, الەم كۋبوگىندا ولجالى بولدى.
بۇل – الەمدىك سىنداعى قازاقستان قۇراماسىنىڭ ەكىنشى جۇلدەسى. وسىعان دەيىن يسلام ۋسەينوۆ 10 مەتردەن پنەۆماتيكالىق مىلتىقپەن نىسانا كوزدەۋدە ۇزدىك ۇشتىكتىڭ قاتارىنان كورىنگەن بولاتىن. قورجىنىندا ەكى قولا جۇلدەسى بار قازاقستان قۇراماسى جالپىكوماندالىق ەسەپتە 21-ورىندا تۇر. ال كوش باسىندا 3 التىن, 1 قولا جۇلدەسى بار وڭتۇستىك كورەيا كەلە جاتىر. ەكىنشى ورىندا سەربيا (2 التىن, 1 كۇمىس پەن 1 قولا) قۇراماسى تۇر. الەم كۋبوگى 7 ماۋسىمعا دەيىن جالعاسادى.