تەننيستەن قازاقستان ايەلدەر قۇراماسى الەمدىك رەيتينگ تاريحىندا تۇڭعىش رەت ەڭ ۇزدىك ون قۇرامانىڭ قاتارىنا قوسىلدى. بۇل تۋرالى قتف ءباسپاسوز قىزمەتى حابارلادى.
بيللي دجين كينگ كۋبوگىنىڭ جاڭارتىلعان رەيتينگىنە ساي, ەل قۇراماسى 16-ورىننان بىردەن جەتى ساتى جوعارىلاپ, 9-ورىنعا كوتەرىلدى. قازاقستان ۇلتتىق قۇراماسى رەسەي, گەرمانيا, يتاليا, رۋمىنيا, بەلگيا, پولشا سەكىلدى الپاۋىت كوماندالاردى ارتقا قالدىرىپ, توپ-10 قۇرامانىڭ قاتارىنان تابىلدى. قازاقستاندىق قىزدار بيىلعى ساۋىردە ەلوردادا گەرمانيا تەننيسشىلەرىن 3:1 ەسەبىمەن تىزە بۇكتىرىپ, كوماندالىق الەم چەمپيوناتىنىڭ فينالدىق كەزەڭىنە جولداما العان بولاتىن.
الەمدىك رەيتينگتە العاشقى 10 كوماندا بىلايشا ورنالاستى: 1. اۋستراليا – 1002,71 ۇپاي 2. فرانتسيا – 885,6 3. يسپانيا – 884,62 4. چەحيا – 842,92 5. شۆەيتساريا – 881,81 6. كانادا – 780,09 7. اقش – 758,09 8. سلوۆاكيا – 744,23 9. قازاقستان – 704,75 10. گەرمانيا – 702,52.
ايتا كەتەيىك, بيىلعى بيللي دجين كينگ كۋبوگىنىڭ فينالدىق كەزەڭى 8-13 قاراشا ارالىعىندا وتەدى. ازىرشە قاي ەلدە ۇيىمداستىرىلاتىنى بەلگىسىز.