• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 30 مامىر, 2022

اتىراۋعا بارا جاتقان پويىزدا نارەستە دۇنيەگە كەلدى

240 رەت
كورسەتىلدى

اققىستاۋ-اتىراۋ ۋچاسكەسىندە استراحان-اتىراۋ باعىتىنداعى №626 جولاۋشىلار پويىزىنىڭ قىزمەتكەرلەرى جولاۋشىنى بوساندىرىپ الدى, دەپ جازادى Egemen.kz «قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتىنە سىلتەمە جاساپ.

«كەنجەگۇل قايىربولاتوۆا گانيۋشكينودان اتىراۋعا بەسىنشى ۆاگونمەن كەلە جاتقان. گانيۋشكينو ستانتسياسىنان شىققاننان كەيىن تاڭعى ساعات 5-تە كەنجەگۇلدىڭ تولعاعى باستالدى. پويىز باسشىسى ساۋلە ءىلياسوۆا باستاعان پويىز بريگاداسىنىڭ قىزمەتكەرلەرى قاجەت شارالار قابىلداپ, نۇسقاۋلىققا سايكەس ءماشينيستى حاباردار ەتىپ, جەدەل مەديتسينالىق جاردەم بريگاداسىن جاقىن ماڭداعى ستانتسياعا شاقىردى», دەپ حابارلادى قتج ءباسپاسوز قىزمەتى.

جەدەل جاردەم قىزمەتى كەلگەنگە دەيىن جولسەرىكتەر - مىرزاگۇل قاراجىگىتوۆا, مارياش ورازعاليەۆا جانە لاۋرا كامالوۆا ساعات 05:30-دا ۆاگوندا قىز بوسانعان جاس اناعا قاجەت كومەك كورسەتتى.  

ساۋلە ءىلياسوۆانىڭ ايتۋىنشا, جولاۋشىلار تاسىمالىندا جۇمىس ىستەگەن 15 جىل ىشىندە ول وسىنداي جاعدايعا العاش رەت تاپ بولعان. 

اتىراۋ ستانتسياسىنا كەلگەننەن كەيىن جاڭا تۋعان ءسابيدى اناسىمەن بىرگە جەدەل جاردەم قىزمەتكەرلەرى قابىلداپ العان.

سوڭعى جاڭالىقتار