ماڭىزى جوعارى ناۋقان

كەزدەسۋ بارىسىندا 5 ماۋ­سىم­عا بەلگىلەنگەن جالپى­حا­­لىقتىق رەفەرەندۋمنىڭ تاقى­رىبىن ءتۇسىندىرۋ, سونداي-اق ەلى­مىزدىڭ نەگىزگى زاڭىنا ەنگى­زى­لەتىن تۇزەتۋلەر مەن تو­لىق­تى­رۋلار تۋرالى اڭگىمە بولدى. اقمولا وبلىسى بويىنشا رەفەرەندۋمدى قوعامدىق قول­داۋ رەسپۋبليكالىق شتابى وكىل­دىگىنىڭ باسشىسى, «اقمولا وبلىسىنىڭ اكەلەر كەڭەسى» قب توراعاسى ەرلان زاكيريانوۆ جانە اقمولا وبلىسى اۋماقتىق كاسىپوداقتار بىرلەستىگىنىڭ تورا­عاسى قالي راح­مەتوۆ باسقوسۋ كە­زىن­دە ساياسي ناۋ­قاننىڭ تاريحي ماڭىز­دى­لى­عىن اتاپ ءوتتى.

شتاب مۇشەلەرى­ رەس­­­پۋب­­لي­كا­لىق رە­فەرەندۋمنىڭ نە­گىزگى ماسە­لەلەرىنە, سونداي-اق اتا زاڭعا ەنگىزىلەتىن تۇزەتۋلەر مەن تو­لىقتىرۋلار تۋرالى, اتاپ ايت­قاندا, پرەزيدەنتتىڭ وكى­لەت­تى­گىن قىسقارتۋ, پارلامەنت پەن ءماسلي­حات­تاردىڭ ءرولىن كۇ­شەي­تۋ, ازامات­تار­دىڭ مەملە­كەت­تىك باسقارۋعا قاتىسۋىن كە­ڭەي­­تۋ, قۇقىق قورعاۋ سالاسىن نى­عاي­تۋ ماسەلەلەرىنە كەڭىنەن توقتالدى.

«كونستيتۋتسياعا ەنگىزىلەتىن تۇزەتۋلەر مەن تولىقتىرۋلار قا­زاق­ستان تاريحىندا جاڭا تاراۋ­دى اشادى, ال مەملەكەتتىڭ ساياسي جۇيەسىن قايتا ىسكە قوسۋدىڭ ءورشىل ماقساتتارى قوعام مەن ەل ومىرىنە جان-جاقتى اسەر ەتەدى», دەپ اتاپ ءوتتى سپيكەرلەر.

كەزدەسۋ بارىسىندا سەرىك­تەس­تىك قىزمەتكەرلەرى وزدەرىن قىزىق­تىر­عان سۇراقتارىن قويىپ, ولارعا ءتيىستى تۇسىنىكتەمەلەر مەن جاۋاپتار بەرىلدى. ءىس-شارا سوڭىندا «گورمولزاۆود» جشس ۇجىمى ۇسىنىلعان وزگەرىستەرگە قولداۋ ءبىلدىرىپ, رەفەرەندۋمعا قاتىسۋعا دايىن ەكەندىكتەرىن ايتتى.

ەستەرىڭىزگە سالا كەتەيىك, مەم­لەكەت باسشىسى «2022 جىلعى 5 ماۋ­سىمدا رەسپۋبليكالىق رەفەرەندۋم وتكىزۋ تۋرالى» جار­لىق­قا قول قويعان كۇننەن باس­تاپ وبلىستا بىلىكتى زاڭگەرلەر, ونىڭ ىشىندە ادىلەت, سوت جۇيەسى ارداگەرلەرى, ساياساتتانۋشىلار, قوعام قايراتكەرلەرى, قوعامدىق پىكىر كوشباسشىلارىنىڭ باسىن بىرىكتىرگەن رەفەرەندۋمدى قوعامدىق قولداۋ رەسپۋبليكالىق شتاب وكىلدىگى قۇرىلعان بولاتىن. سول ۋاقىتتان بەرى رەس­پۋب­ليكالىق شتاب وكىلدىگى ءوڭىردىڭ ءار اۋدان, اۋىلىندا جان-جاقتى ءتۇسىندىرۋ جۇمىسىن جۇر­گى­زىپ كەلەدى. جۇرگىزىلگەن جۇمىس ناتي­جە­سىندە بۇگىنگى كۇنى شتاب 40 مىڭ ادامدى قامتي وتىرىپ, مىڭنان استام ءىس-شارا وتكىزدى.