رەفەرەندۋمدى قوعامدىق قولداۋدىڭ رەسپۋبليكالىق شتابىنىڭ قىزمەتى شەڭبەرىندە قاراعاندى قالاسىنىڭ دوستىق ۇيىندە وڭىردەگى جاستار ۇيىمدارىنىڭ كوشباسشىلارى مەن وكىلدەرىمەن كەزدەسۋ ءوتتى.
ءىس-شارا «اسسامبلەيا جاستارى» رەسپۋبليكالىق قوعامدىق بىرلەستىگى مەن «ۇلتتىق ەرىكتىلەر جەلىسى» زاڭدى تۇلعالار بىرلەستىگىنىڭ باستاماسىمەن ۇيىمداستىرىلدى.
– رەفەرەندۋم وتكىزۋدىڭ ماڭىزدىلىعى قوعامنىڭ بارلىق ساناتتارىنا ساياسي رەفورمالاردى جۇزەگە اسىرۋعا قاتىسۋعا مۇمكىندىك بەرەدى. بۇل قۇرالدى ءبىزدىڭ جاستارىمىز دا تولىق كولەمدە پايدالانۋى كەرەك. جاڭا قازاقستان بۇل جاي عانا ۇران ەمەس, بۇل جاڭا قوعام قۇرۋ قاعيداتى, – دەپ اتاپ ءوتتى «اسسامبلەيا جاستارى» رقب توراعاسى تيمۋر جۇمىرباەۆ. ول سونداي-اق جاڭا قازاقستاننىڭ اسىرەسە, جاستارعا جاڭا مۇمكىندىكتەرگە جول اشاتىنىن ەسكە سالىپ ءوتتى. كەزدەسۋ كەزىندە قاراعاندى وبلىسىنىڭ جاستار ۇيىمدارىنىڭ كوشباسشىلارى رەفەرەندۋم وتكىزۋ جانە كونستيتۋتسياعا تۇزەتۋ ەنگىزۋ تۋرالى ءوز پىكىرلەرىمەن ءبولىستى. جيىنعا قاتىسۋشىلار رەفورمانى ىسكە اسىرۋداعى جاستاردىڭ بەلسەندىلىگى, جاڭا قازاقستانداعى وزەكتى ماسەلەلەردى شەشۋ جولدارى جايلى ويلارىن ورتاعا سالىپ, وزدەرىن قىزىقتىرعان سۇراقتارىنا جاۋاپ الدى.
سونداي-اق, قاتىسۋشىلار «اسسامبلەيا جاستارى» جاستار ۇيىمىنىڭ #مەنرەفەرەندۋمعابارامىن حەشتەگىن ىسكە قوسۋ تۋرالى باستاماسىن قولداپ, جاستاردى الەۋمەتتىك جەلىلەردە ءتۇسىندىرۋ جۇمىستارىنا قوسىلۋعا شاقىردى.
كەزدەسۋگە قحا مۇشەسى جانە جاستار ۇيىمىنىڭ وڭىرلىك وكىلدىگىنىڭ كوشباسشىسى ا.ۋرماشوۆ, جاستار ۇيىمدارىنىڭ جانە ەتنومادەني بىرلەستىكتەردىڭ جاستار قاناتتارىنىڭ كوشباسشىلارى دا قاتىسىپ, ەلىمىزدىڭ كونستيتۋتسياسىنا ەنگىزىلەتىن وزگەرتۋلەر مەن تولىقتىرۋلار تۋرالى كەڭىنەن ايتىپ بەردى.
قاراعاندى