نۇر-سۇلتان قالاسىنىڭ اكىمدىگى تۇرمەدە جازاسىن وتەپ شىققان ازاماتتارعا 47,7 مىڭ تەڭگە كولەمىندە بىرجولعى الەۋمەتتىك كومەك كورسەتۋدى جوسپارلاپ وتىر. بۇل تۋرالى قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب ايتتى, دەپ حابارلايدى Egemen.kz.
«قۇرمەتتى دەپۋتاتتار, نازارلارىڭىزعا جەكەلەگەن ساناتقا جاتاتىن ازاماتتاردى الەۋمەتتىك كومەكپەن قامتۋ تۋرالى جوباعا وزگەرىس ەنگىزۋ ۇسىنىلىپ وتىر. اتاپ ايتقاندا, اسكەري ارداگەرلەرگە بەرىلەتىن بىرجولعى الەۋمەتتىك تولەمنىڭ كولەمىن 20 اەك-تەن 35 اەك-كە ارتتىرۋ. اتالعان الەۋمەتتىك شارا 800 ادامعا قاتىستى. سونىمەن قاتار العاش رەت تۇرمەدەن بوساپ شىققان ازاماتتارعا 15 اەك كولەمىندە بىرجولعى تولەم بەرۋدى ۇسىنىپ وتىرمىز», دەدى يليا سكۋب قالالىق ءماسليحاتتىڭ كەزەكتەن تىس سەسسياسىندا.
ونىڭ ايتۋىنشا, بىرجولعى تولەمدى الۋ ءۇشىن تۇرمەدەن شىققان سوڭ 6 ايدىڭ ىشىندە ءوتىنىش بەرىلۋى ءتيىس.
«ازاماتتاردى الەۋمەتتىك كومەكپەن قامتۋعا قاتىستى ۇسىنىلعان جوبا قازاقستان رەسپۋبليكاسىنىڭ زاڭنامالارىنا قايشى ەمەس. سول سياقتى قۇقىقتىق اكتىلەرگە قويىلعان تالاپتارعا سايكەس كەلەدى. جوباعا ەنگىزىلگەن وزگەرىستەردى قولداۋدى سۇرايمىز», دەيدى ول.