تۋ تۋرالى كۋالىك اۆتوماتتى تۇردە رەسىمدەلەدى

تۇرعىندار اۆتوحقكو-نىڭ جۇمىسىن جەڭىلدەتىپ جاتقان جۇيەلەرگە وڭ باعا بەرىپ, قۇجاتتاردىڭ دا جىلدام رەسىمدەلە باستاعانىن ايتتى. الايدا بيۋروكراتيانىڭ سالدارىنان ءالى دە شەشىلمەي تۇرعان ماسەلەلەر بار ەكەندىگىن دە جەتكىزدى.

حالىقپەن كەزدەسۋ كەزىندە باعدات مۋسين مينيسترلىك قىزمەتىنىڭ باستى باعىتتارى مەن اتقارىلىپ جاتقان جۇمىستار تۋرالى باياندادى. ونىڭ ايتۋىنشا, اقتوبە وبلىسىنداعى 322 ەلدى مەكەننىڭ 226-سىندا ءموبيلدى بايلانىس بار, قالعان 96 اۋىل 2024 جىلدىڭ سوڭىنا دەيىن بايلانىسپەن قامتاماسىز ەتىلەدى.

سونىمەن قاتار مەملەكەتتىك قىزمەت كورسەتۋ ساپاسىن كوتەرۋ باعىتىنداعى جۇمىستار جالعاسىپ جاتقاندىعى ايتىلدى. بۇگىنگى تاڭدا eGov سەرۆيستەرى مەن eGov Mobile ءموبيلدى قوسىمشاسى, ەكىنشى دەڭگەيلى بانكتەردىڭ قوسىمشالارى مەن ءتۇرلى كومپانيالاردىڭ سەرۆيستەرى ارقىلى مەملەكەتتىك قىزمەتتەردى قاشىقتان الۋعا بولادى.

قازىر قوسىمشالاردا 24 مەملەكەتتىك قىزمەت بار, اسا قاجەتتى 18 قۇجاتتىڭ تسيفرلىق نۇسقاسى جاسالدى – جەكە كۋالىك, جۇرگىزۋشى كۋالىگى, پتر-تەست, تۋ تۋرالى كۋالىك, نەكە تۋرالى كۋالىك جانە ت.ب.

«الداعى ۋاقىتتا ءبىز كوپتەگەن مەملەكەتتىك قىزمەتتەردى پرواكتيۆتى تۇردە ۇسىنۋدى كوزدەپ وتىرمىز, ياعني مەملەكەتتىك قىزمەتتەردى الۋ ءۇشىن حقكو-عا جۇگىنۋدىڭ قاجەتى بولمايدى. قازىردىڭ وزىندە 23 مەملەكەتتىك قىزمەت پرواكتيۆتى نۇسقادا ۇسىنىلادى. ماسەلەن, بالا تۋعا بايلانىستى كورسەتىلەتىن مەمقىزمەتتەردى الساق, جاڭا بوسانعان انا سمس-حابارلاما ارقىلى راستاسا بولدى, بالانىڭ تۋ تۋرالى كۋالىگى اۆتوماتتى تۇردە رەسىمدەلەدى. بولاشاقتا مۇنداي پرواكتيۆتى قىزمەتتەر قاتارى ارتا تۇسەدى», دەدى باعدات مۋسين. 

تۇرعىندارمەن كەزدەسۋ بارىسىندا مينيستر عارىشتىق مونيتورينگ جايىن قوزعاپ, توتەنشە جاعدايلاردىڭ الدىن الۋ ءۇشىن اقتوبە وبلىسىنىڭ تەرريتورياسىنا تاۋلىك بويى ءتۇسىرىلىم جاسالاتىنىن ايتتى. وسىنداي ۇزدىكسىز باقىلاۋدىڭ ناتيجەسىندە ءورت پەن تاسقىننىڭ گەوگرافيالىق وشاقتارىن انىقتاپ, جەدەل تۇردە ارنايى قىزمەتتەردى حاباردار ەتۋ مۇمكىندىگى بار. مىسالى, بيىل ءساۋىر ايىندا اقتوبە وبلىسىنىڭ اۋماعىندا 17 ءورت وشاعى انىقتالىپ, دەر كەزىندە ءوشىرىلدى. سونداي-اق تاسقىن سۋ قاۋپى بار اۋماقتارعا دا ۇنەمى باقىلاۋ جاسالادى.

باياندامادان سوڭ مەكەمە باسشىسى حالىقتى الاڭداتقان ساۋالدارعا جاۋاپ بەردى.

تسيفرلىق دامۋ ءمينيسترى اقتوبەلىك تەحنوپاركتە اقپاراتتىق قاۋىپسىزدىك بويىنشا جوبالارمەن, روبوتوتەحنيكامەن جانە جەرگىلىكتى ءىت-ماماندار ۇسىنعان باسقا دا يننوۆاتسيالارمەن تانىستى.

ءىت-قاۋىمداستىق جانە ستۋدەنتتەرمەن كەزدەسۋ كەزىندە باعدات مۋسين ءىت-كادرلار تاپشى ەكەندىگىن, مينيسترلىك وسى ماسەلەمەن اينالىسىپ  جاتقاندىعىن تىلگە تيەك ەتتى.

ء«بىزدىڭ ماقساتىمىز - 2023 جىلعا دەيىن 100 مىڭ ءىت-مامان دايىنداۋ. العاشقى كەزەڭدە جەكە جانە مەملەكەتتىك مەكتەپتەردە وقۋ ءۇشىن قازاقستاندىقتارعا ءىت-ۆاۋچەرلەر بەرىلەدى. ءبىزدىڭ سالا باسقا ەكونوميكالىق سالالارعا قولداۋ كورسەتىپ قانا قويماي, ەكونوميكامىزعا ءوز بەتىنشە تابىس قۇيا الاتىنىن دالەلدەۋى ءتيىس», دەدى تسيفرلىق دامۋ ءمينيسترى.

مەكەمە باسشىسى اقتوبە وبلىسىنىڭ اكىمى وڭداسىن ورازالينمەن كەزدەسىپ, ءىسساپار بارىسىندا تۇيگەن ماسەلەلەر بويىنشا وي ءبولىسىپ, ايماقتاعى تسيفرلىق ترانسفورماتسيا باعىتىندا اتقارىلىپ جاتقان جۇمىس بارىسىن تالقىلادى.