وكىنىشكە قاراي, ەلىمىزدە مەتابوليتتىك اۋرۋلار كوبەيىپ كەلەدى. نەيرومەتابوليتتىك جانە ميتوحوندريالىق اۋرۋلارى بار بالالارعا دياگنوستيكا جاساۋ – كۇردەلى ءىس. وسى ماسەلەلەر توڭىرەگىندە جانە بالالار جىلى اياسىندا نۇر-سۇلتان قالاسى اكىمدىگىنىڭ №2 كوپبەيىندى قالالىق بالالار اۋرۋحاناسىندا پروفەسسور رۋدي ۆان كوستەردىڭ قاتىسۋىمەن شەبەرلىك ساباعى ءوتتى.
پروفەسسور رۋدي ۆان كوستەر – نەيرومەتابوليتتىك جانە ميتوحوندريالىق اۋرۋلاردىڭ ايگىلى ساراپشىسى. مامانداردىڭ پىكىرىنە قاراعاندا, نەيرومەتابوليتتىك جانە ميتوحوندريالىق اۋرۋلارى بار بالالارعا دياگنوستيكا جاساۋ ماسەلەسى وزەكتى بولىپ وتىر. پروفەسسور رۋدي ۆان كوستەر نەيرومەتابوليتتىك جانە ميتوحوندريالىق اۋرۋلاردى ەرتە دياگنوستيكالاۋ بويىنشا ءبىلىمى مەن تاجىريبەسىن جانە وسى پاتولوگياسى بار بالالاردى ەمدەۋدىڭ ىقتيمال تاسىلدەرىن قازاقستان دارىگەرلەرىمەن ءبولىسىپ, ماڭىزدى ويلارىن ورتاعا سالدى. سونىمەن بىرگە اۋىر ناۋقاسقا شالدىققانداردىڭ كلينيكالىق جاعدايلارىنا ءۇڭىلدى. الداعى ۋاقىتتا مۇنداي شەبەرلىك ساباقتارى جىل سايىن وتكىزىلىپ وتىرماق.