استاناداعى كونگرەسس-حوللدا قازاقستاننىڭ ەڭبەك سىڭىرگەن ءارتىسى باعدات سامەدينوۆانىڭ “مەن دالانىڭ قىزىمىن” اتتى كونتسەرتى بولىپ ءوتتى. وندا ۇلجان ايناقۇلوۆا سەكىلدى بەلگىلى انشىلەرمەن بىرگە ونىڭ شاكىرتتەرى دە ونەر كورسەتتى.شىعارماشىلىق ەسەپ بەرۋ كونتسەرتىنىڭ الدىندا ءانشى باق وكىلدەرىمەن ءباسپاسوز ءماسليحاتىن وتكىزگەن بولاتىن. وندا ب. سامەدينوۆا بۇعان دەيىن استانا قالالىق فيلارمونياسى حالىق اسپاپتار وركەسترىنىڭ سۇيەمەلدەۋىمەن جەكە كونتسەرت بەرگەندىگىن, سونداي-اق جاقىندا عانا قىتايدا اشىلعان “ەكسپو-2010” كورمەسىندە بولىپ قايتقاندىعىن, ءتۇرلى مادەني شارالارعا اتسالىسىپ كەلە جاتقاندىعىن تىلگە تيەك ەتتى. بۇل كونتسەرتتىك باعدارلامامدى دايىنداعانىما بىرنەشە جىل بولدى. جىلىنا ەكى كونتسەرت بەرۋدەن اۋلاقپىن. سەبەبى, بۇل ەسەپ بەرۋ كونتسەرتى بولعاندىقتان, بۇل شارادا بىرنەشە جىلدىق ەڭبەگىڭ كورىنۋى قاجەت. وسى جولعى باعدارلامامدا ءوزىمنىڭ بەتكە ۇستار انىمە اينالعان “سارىارقا” قايتا وڭدەلىپ, جاڭادان جازىلدى. سونداي-اق ء“وز ەلىم” ءانىن دە ايتۋعا بولادى. جالپى ورىندالاتىن ءاندەردىڭ بارلىعى دا جاڭا اندەر. كەش بارىسىندا مەنىڭ رەپەرتۋارىمدا باستى ورىن الاتىن حالىق ءاندەرى دە ورىندالادى, دەگەن بولاتىن. باعدات سامەدينوۆانىڭ ايتۋىنشا, شىعارماشىلىق كەشىندە ايتىلعان حالىق اندەرى قازاقىلىق قايماعى بۇزىلماعان قىتاي, موڭعوليا ەلدەرىندە تۇراتىن قانداستارىمىزدا ساقتالعان قازاقتىڭ حالىق اندەرىنەن ىرىكتەلىنىپ الىنىپتى. مەنىڭ رەپەرتۋارىمدا پاتريوتتىق اندەر دە جەتكىلىكتى. كونتسەرتتىڭ اتىنىڭ ءوزى “مەن دالانىڭ قىزىمىن” دەپ اتالۋى دا سوندىقتان دەدى ول. وتىز جىلدان استام كيەلى ساحنادا ۇلتتىق ءمانەرلى داۋىسىمەن, وزىندىك قولتاڭباسىمەن ۇلەس قوسىپ جۇرگەن ب.ءسامەدينوۆانىڭ كەشىنىڭ “مەن دالانىڭ قىزىمىن” دەپ اتالۋىنىڭ دا وزىندىك سەبەبى بار ەكەن. قازاقتىڭ بەلگىلى اقىن قىزى كۇلاش احمەتوۆا وسى اتتاس ولەڭىن وقىعاندا انشىگە وسىناۋ جىر جولدارى وي سالعان كورىنەدى.
ءانشىنىڭ سەزىم قىلىن شەرتىپ, بويداعى نامىسىڭدى جانىپ, رۋحىڭدى وياتار شىمىر اندەر لەگى ەكى ساعاتقا جۋىق تولاستامادى. وسىلايشا ءوز ەڭبەگىنە, قۇداي بەرگەن داۋىسىنا عانا سەنەتىن سۇيىكتى ءانشىمىزدىڭ شىعارماشىلىق كەشى بۇعان دەيىنگى كونتسەرتتەرى سەكىلدى تابىستى ءوتتى.
ۆەنەرا تۇگەلباي.