يزرايل مەن شۆەيتساريادا مايمىلشەشەك اۋرۋىن جۇقتىرۋدىڭ العاشقى وقيعالارى راستالدى. بۇگىندە اۋرۋ انىقتالعان ەلدەر سانى 14-كە جەتتى. بۇل تۋرالى BBC اقپارات اگەنتتىگى حابارلادى, دەپ جازادى Egemen.kz.
ەكى ەلدە دە اۋرۋدى ءبىرىنشى جۇقتىرعاندار جاقىندا عانا شەتەلدەن كەلگەن. يزرايلدە ينفەكتسيانىڭ بىرنەشە جاعدايى زەردەلەنۋ ۇستىندە. مايمىلشەشەك اۋرۋى ورتالىق جانە باتىس افريكادا ءجيى كەزدەسەدى. بۇل ايماقتان تىس جەردە ونىڭ قوزدىرعىشىن كوبىنەسە سول جەردە بولعان ادامدار مەن جانۋارلار تاسىمالدايدى.
اقش, كانادا, اۆستراليا جانە ەۋروپادا مايمىلشەشەگىنىڭ جاڭا جاعدايلارى زەرتتەلۋدە. وسى اپتادا اقش, كانادا, يسپانيا, پورتۋگاليا, ۇلىبريتانيا, فرانتسيا, يتاليا, شۆەتسيا جانە اۆستراليا بيلىگى دە ءوز اۋماعىندا اۋرۋدىڭ ءورشۋىن راستادى.
اگەنتتىك مالىمەتىنشە, الەمدە ينفەكتسيانىڭ 80-گە جۋىق جاعدايى راستالعان. ال دۇنيەجۇزىلىك دەنساۋلىق ساقتاۋ ۇيىمىنىڭ ايتۋىنشا, مايمىلشەشەگىن جۇقتىردى دەگەن كۇدىككە ىلىنگەن 50 جاعداي انىقتالعان. بىراق قاي ەلدە انىقتالعانى اتالماي وتىر. ۇيىم اۋرۋ سانىنىڭ ءالى دە ارتاتىنىن ەسكەرتتى. عالىمدار ىندەتتىڭ وسىنشا قارقىندى تارالاتىنىن كۇتكەن جوق, دەسە دە مايمىلشەشەك ادامنان ادامعا وڭاي جۇقپايدى.
بريتاندىق دەنساۋلىق ساقتاۋ قىزمەتىنىڭ مالىمەتىنشە, اۋرۋ ادەتتە جەڭىل وتەدى, ادامداردىڭ كوبى بىرنەشە اپتا ىشىندە ساۋىعىپ كەتەدى.