جەڭىلىستەن كوز اشپاي تۇر

قازاقستاندىق حوككەيشىلەر ءتورتىنشى تۋردا شايبالى حوك­كەيدەن الەم چەمپيوناتى تاريحىندا 27 مارتە باس جۇل­دەنى جەڭىپ العان كانادا قۇرا­ما­­سىمەن كەزدەستى. ولار بىلتىر لاتۆيا استاناسى – ريگادا ۇيىم­داستىرىلعان جا­ھاندىق دودادا توپ جارعان بولاتىن. سول چەمپيوناتتا دا ەكى ەل­دىڭ حوككەيشىلەرى ءبىر توپتا ونەر كور­سەتىپ, كانادالىقتار 4:2 ەسە­بىمەن جەڭىسكە جەتكەن-ءدى. بيىلعى ماتچتا دا كانادا قۇراماسىنىڭ مەرەيى ۇستەم بولدى – 6:3.

كەزدەسۋدىڭ العاشقى كەزە­ڭىندە قازاقستاندىق حوككەيشىلەر قارسىلاستاردىڭ اتاعىنان ەش قايمىقپاي, جەڭىس ءۇشىن بارىن سالدى. ءتىپتى ماتچ بارىسىندا يۋري ميحايليس شاكىرتتەرى ەكى رەت ەسەپتە العا شىعىپ العانىن ايتا كەتكەن ءجون. الدىمەن ويىن­نىڭ ءۇشىنشى مينۋتىندا ەگور پەتۋحوۆ ءاليحان اسەتوۆتىڭ تا­ماشا پاسىنان كەيىن ەسەپتى اشتى. الايدا ارادا ءبىر مينۋتتان ءسال اسا ۋاقىت وتكەندە كانادالىقتار ديلان كوزەنستىڭ سوققان شايباسى ارقىلى تارا­زى باسىن تەڭەستىرىپ كەتتى. كەيىننەن كانادالىق حوككەي­شىلەر ويىن ءتارتىبىن ءجيى بۇزا باستادى. سان باسىمدىعىنا يە بولعان قازاق­ستان قۇراماسى 13-مينۋتتا قايتادان ەسەپتە العا شىقتى. بۇل جولى اركادي شەستاكوۆ مەرگەندىگىمەن كوزگە ءتۇستى. بىر­اق ارادا كوپ ۋاقىت وتپەي كا­نادا حوككەيشىلەرى تاعى دا ەسەپتى تەڭەستىرىپ كەتتى. اندرەي شۋتوۆ قايتارعان شاي­باعا ءبىرىنشى جەتكەن درەيك با­تەرسون كومانداسىنىڭ ەكىنشى شايباسىن سوقتى. ءبىرىنشى كەزەڭنىڭ اياقتالۋىنا ەكى مينۋت قالعاندا بۇل جولى قارسىلاس كوماندا ويىن­شىلارى سان باسىمدىعىنا يە بولىپ, كەزدەسۋدە العاش رەت ەسەپتە العا شىقتى. شايبانىڭ اۆتورى – ادام لاۋري. وسىلايشا, العاشقى كەزەڭدە كانادا كامبەك جاسادى.

ەكىنشى كەزەڭنىڭ بەل ورتاسىنان اۋعاندا كانادالىق دەيمون سيۆەرسون اندرەي شۋ­توۆپەن بىرگە-ءبىر شىعىپ, قاقپا­شىمىزدان وپ-وڭاي ايلاسىن اسىردى. ال ءۇشىنشى كەزەڭنىڭ 47-مينۋتىندا كيريلل ساۆيتسكي مەرگەندىك تانىتىپ, ەسەپ ايىرماسىن قىسقارتۋعا مۇمكىندىك العان-دى. الايدا ماتچتىڭ سو­ڭىنا دەيىن ديلان كوزەنس تاعى ەكى شايبا سوعىپ, ويىننىڭ نۇك­تەسىن قويدى.

اراعا ءبىر كۇن سالىپ قازاق­ستان قۇراماسى بەسىنشى تۋردا سلوۆاكيا حوككەيشىلەرىمەن مۇزايدىندا شەبەرلىك بايقاستى. ءدال وسى تۋردا قازاقستان قۇرا­ماسىنىڭ ۇپاي الاتىن تاماشا مۇمكىندىگى بار ەدى. سەبەبى سلو­ۆاكيا العاشقى تۋردا فرانتسيانى (4:2) جەڭگەنىمەن, كەيىنگى ءۇش تۋردا گەرمانيا (1:2), كانادا (1:5) جانە شۆەيتساريادان (3:5) جەڭىلگەن-ءدى. ياعني قۇرامالاردىڭ كۇشتەرى تەڭ ەدى.

سوعان قاراماستان كەزدەسۋدىڭ ەسەبىن ءبىرىنشى بولىپ سلوۆاكيا ويىنشىلارى اشتى. ءبىرىنشى كەزەڭنىڭ 13-مينۋتىندا ءاليحان اسەتوۆتىڭ قاتەلىگىنەن كەيىن شاي­باعا يەلىك ەتكەن سامۋەل تاكاچ­تان تەز ارادا قاقپا ما­ڭايىندا تۇرعان ارىپتەسى اندرەي كوللارگە پاس شىعاردى. كوللار ءوز كەزەگىندە اندرەي شۋتوۆ قورعاعان قاقپانى ءدال كوزدەپ, اتتاسىن قاپى قالدىردى. الايدا سلوۆاكيالىق جانكۇيەرلەردىڭ قۋانىشى ۇزاققا سوزىلمادى. 15-مينۋتتا يۋري ميحايليس شاكىرتتەرى سان باسىمدىعىن جۇزەگە اسىرىپ, تارازى باسىن تەڭەستىردى – 1:1. دجەسسي بلەي­­كەردىڭ كوك سىزىقتىڭ ب­و­يىنان قاقپاعا جاساعان جوي­قىن سوققىسىن سلوۆاكيا قۇرا­ماسىنىڭ قاقپاشىسى قايتار­عانىمەن, كەيىن سەرپىلگەن شاي­باعا كيريلل پانيۋكوۆ ءبىرىنشى جەتتى. ارادا ەكى مينۋت وتكەندە جەرلەستەرىمىز تاعى دا سان با­سىمدىعىنا يە بولىپ, بۇل جولى دا مۇمكىندىكتى ءمۇلت جىبەرگەن جوق. بۇل شايبا دا ءدال العاشقى گولدىڭ ستسەناريىمەن سوعىلدى. رومان ستارچەنكونىڭ سول قاپ­تالدان جاساعان سوققىسىن قاق­پاشى قايتارعانىمەن, وڭ قاپ­تالدان شابۋىلداعان دميتري شەۆچەنكونىڭ سوققىسىنا تويتارىس بەرە المادى – 2:1.

الايدا ەكىنشى كەزەڭنىڭ ورتا تۇسىنا كەلگەندە پاۆەل اكولزين ويىن ەرەجەسىن بۇزعانى ءۇشىن تورەشى تاراپىنان بەس مينۋت ايىپ­پەن جازالانىپ, ارىپتەستەرىن قيىن جاعدايعا قالدىردى. سالدارىنان ويىننىڭ 30-مينۋتىندا مارتين فەگەرۆارى تارازى باسىن تەڭەستىرسە, 34-مينۋتتا ادامۋ ليشكۋ كومانداسىن ەسەپتە العا شىعاردى. ال 35-مينۋتتا تورەشىلەر قازاقستاندىق كومانداعا قاتىستى تاعى دا تار­تىپتىك شارا قولدانىپ, اندرەي شۋتوۆ قاقپاسىنا بۋلليت تا­عايىندادى. ونى ءوز كەزەگىندە يۋراي سلافكوۆسكي اينا قاتەسىز ورىنداپ, ەسەپتى – 4:2-گە جەتكىزدى.

ءۇشىنشى كەزەڭنىڭ باسىندا قازاقستان قۇراماسى كي­ريلل پانيۋكوۆتىڭ ارقاسىندا جىل­دام ەسەپ ايىرماسىن قىس­قارتقانىمەن, ماتچ سوڭىنا دەيىن يۋري ميحايليس شاكىرتتەرىنىڭ تارازى باسىن تەڭەستىرۋگە شاماسى جەتپەدى. قورىتىندى ەسەپ – 3:4. وسىلايشا, قازاقستان قۇراماسى قاتارىنان بەسىنشى مارتە جەڭىلىستىڭ كەرمەك ءدامىن تاتۋعا ءماجبۇر بولدى.

«ا» توبىنىڭ بەسىنشى تۋرىنان كەيىن شۆەيتساريا قۇراماسى 15 ۇپايمەن جەكە-دارا كوش باستادى. ال 12 ۇپايى بار كانادا مەن گەرمانيا ەكىنشى جانە ءۇشىنشى ورىنداردى ءبولىسىپ تۇر, 9 ۇپاي­دان يەلەنگەن دانيا مەن سلو­ۆاكيا سايكەسىنشە بەسىنشى جانە التىنشى ورىنعا جايعاسقان. سون­داي-اق ەكى جەڭىسى بار فرانتسيا التىنشى ساتىعا جايعاسسا (5 ۇپاي), ءدال وسى ء«ۇش جولاقتى» ەلدىڭ حوككەيشىلەرىنەن وۆەرتايم­دا جەڭىلگەن يتاليا ءبىر ۇپاي ەنشى­لەپ, جەتىنشى ورىنعا تۇراقتادى.

«ۆ» توبىندا فينليانديا 16 ۇپايمەن كوش باستاپ تۇر. كەيىنگى ورىندارعا شۆەتسيا (12 ۇپاي), چەحيا (10), اقش (10), لاتۆيا (5), نورۆەگيا (5), اۋستريا (4), ۇلىبريتانيا (1) جايعاستى.

جەرلەستەرىمىز كەشە توپتىق كەزەڭنىڭ التىنشى تۋرى اياسىندا گەرمانيا قۇراماسىمەن كەزدەستى.