ۇلتتار ليگاسى: اديەۆ كەڭەيتىلگەن قۇرامدى جاريالادى

قازاقستان فۋتبول فەدەراتسياسى ءباسپاسوز قىزمەتىنىڭ مالىمەتى بويىنشا, 2022 جىل­عى فۋتبول كۇنتىزبەسىنىڭ ەرەكشەلىگىنە باي­لانىس­تى ءبىزدىڭ قۇراما ماۋسىم ايىن­­دا ءتورت ماتچ وتكىزەدى – ەكەۋى ءوز ەلىمىزدە, ەكەۋى سىرت الاڭ­­دا. جەرلەستەرىمىز ۇلتتار لي­گا­­­­سىنداعى العاشقى ويىنىن 3 ماۋ­­سىم كۇنى نۇر-سۇلتاندا ازەر­باي­جان قۇراماسىمەن وتكى­زەدى. «اس­تانا ارەناداعى» ماتچ ەلور­دا ۋاقى­تىمەن 20:00-دە باستالادى.

اراعا ءۇش كۇن سالىپ قازاق­ستان قۇراماسى ەكىنشى تۋر ويىنىن وتكىزۋ ءۇشىن سلوۆاكياعا ساپار شەگەدى. كەزدەسۋ ترناۆا قالاسىنداعى «انتون مالاتينسكي» ستاديونىندا نۇر-سۇلتان ۋاقىتىمەن 6 ماۋسىمنان 7 ماۋسىمعا قاراعان ءتۇنى ساعات 00:45-كە جوسپارلانعان.

ال 10 ماۋسىمدا قازاقستان­دىقتار بەلارۋس فۋتبولشىلارىمەن شەبەرلىك بايقاسادى. الايدا ماتچ ۋەفا اتقارۋ كوميتەتىنىڭ شەشىمى بويىنشا, بەيتاراپ اۋماقتا, ياعني سەربيانىڭ نوۆي-ساد قالاسىن­داعى «كارادجورجە» ستاديونىندا وتەدى. وكىنىشكە قاراي, ستاديوننان ويىندى تاما­شالاۋعا جانكۇيەرلەرگە تىيىم سالىنعان. ءۇشىنشى تۋردىڭ ماتچى نۇر-سۇلتان ۋاقىتىمەن 10 ماۋسىمنان 11 ماۋسىمعا قاراعان ءتۇنى ساعات 00:45-تە وتەدى.

قازاقستان قۇراماسى ماۋسىم ايىنا جوسپارلانعان ءتورت ويىن­نىڭ سوڭعىسىن 13 ماۋسىمدا سلوۆاكيامەن ۇيدە وتكىزەدى. ماتچ ەلوردا ۋاقىتىمەن 20:00-دە «استانا ارەنادا» باستالادى. ايتا كەتەيىك, ۇلتتار ليگاسىنىڭ توپتىق كەزەڭىنىڭ قورىتىندى ويىن­دارى كۇزدە بولماق. 22 قىر­كۇيەكتە قازاقستان قۇراماسى بەلا­رۋس قۇراماسىن قابىلدايدى, ال ءۇش كۇننەن كەيىن ءبىزدىڭ كوماندا سىرت الاڭدا ازەربايجانمەن وينايدى.

بىرەر كۇن بۇرىن قازاقستان ۇلتتىق قۇراماسىنىڭ جاڭادان تاعايىندالعان باس باپكەرى ما­گومەد اديەۆ ۇلتتار ليگاسى وسى ويىندارعا شاقىرتىلعان ويىن­شىلاردىڭ كەڭەيتىلگەن ءتىزىمىن جاريالادى. ماگومەد اديەۆ  باس باپكەر رەتىندە العاشقى جيىنعا مىنا فۋتبولشىلاردى شاقىردى. ولار: قاقپاشىلار – يگور شاتسكي («شاحتەر»), مۇحاممەدجان سەي­سەن («تاراز»), بەكحان شايزادا («ور­داباسى»), ستاس پوكاتيلوۆ («اقتوبە»);

قورعاۋشىلار – سەرگەي مالىي, الەكساندر ماروچكين, باعدات قايىروۆ (بارلىعى – «توبىل»), يۋري لوگۆينەنكو, تەمىرلان ەرلانوۆ (ەكەۋى دە – «اقتوبە»), مارات بىستروۆ («احمات», رەسەي), نۇرالى ءالىپ («زەنيت», رەسەي), ەلدوس احمەتوۆ («تاراز»), ميحايل گابىشەۆ («شاحتەر»), تالعات كوسەپوۆ («استانا»);

جارتىلاي قورعاۋشىلار – اسحات تاعىبەرگەن, ۆلاديسلاۆ ۆاسيلەۆ, سامات جارىنبەتوۆ (بارلىعى – «توبىل»), اسلان داراباەۆ, يسلامبەك قۋات (ەكەۋى دە – «استانا»), دۋمان نارزىلداەۆ («كاسپي»), تيمۋر دوسماعامبەتوۆ («شاحتەر»), يان ۆوروگوۆسكي («مولەنبەك», بەلگيا), عافۋرجان سۇيىمباەۆ («اقسۋ»), ەلحان استانوۆ («ورداباسى»), باۋىرجان بايتانا («تاراز»), رامازان ورازوۆ, ماكسيم سامورودوۆ, ار­مان كەڭەسوۆ (بارلىعى – «اقتوبە»);

شابۋىلشىلار – ارتۋر شۋ­شەناچەۆ («قايرات»), ابات ايىم­بەتوۆ («استانا»), ايبار جاق­سىلىقوۆ («توبىل»), ابى­لايحان جۇمابەك («تاراز»).

سونىمەن قاتار قازاقستان ۇلت­تىق قۇراماسىنىڭ باپكەرلەر قۇرامى دا بەلگىلى بولدى. باس باپكەر ماگومەد اديەۆكە قا­زاقستاندىق جاس ماماندار ەۆگەني كوسترۋب پەن رۋسلان بال­تيەۆ جانە رەسەيلىك ارسلان حا­ليمبەكوۆ كومەكتەسەدى. ال بۇ­عان دەيىن «شاحتەردىڭ» قاقپا­شى­لارىن باپتاعان ۆالەري سي­تا­لو ەندى ۇلتتىق قۇرامانىڭ قاقپا­شىلارىنا جاۋاپتى بولادى.

بۇعان دەيىنگى وقۋ-جاتتىعۋ جيىن­دارىنا شاقىرىلعان فۋتبول­شىلاردىڭ دەنىن «استانا» مەن «قايرات» كلۋبتارىنىڭ ويىنشىلارى قۇرايتىن. ال اديەۆ قازىر «توبىل» مەن «اقتوبە» ويىنشىلارىنا ارقا سۇيەيتىنىن اڭعارتتى. ماسەلەن, بۇل جيىن­عا «توبىلدىڭ» – جەتى, «اقتو­بەنىڭ» التى فۋتبولشىسى شاقى­رىل­دى. 11 تۋردان كەيىن ەل بىرىن­شىلىگىندە كوش باستاپ تۇرعان «تا­راز» بەن ەكىنشى ورىنداعى «استا­نادان» ءتورت ويىنشىدان بار. «ورداباسىدان» – ەكى, «قايرات» پەن «كاسپيدەن» ءبىر-ءبىر فۋتبولشىدان شاقىرىلىپ وتىر.