نۇر-سۇلتان قالاسىندا ليفت ىشىندە ايەلدى سوققىعا جىققان ەر ادامعا قاتىستى قىلمىستىق ءىس قوزعالدى, دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«نۇر-سۇلتان قالاسى پوليتسيا دەپارتامەنتى «ەسىل» اۋدانىنىڭ پوليتسيا باسقارماسى قك-ءنىڭ 107-بابى (دەنساۋلىققا قاساقانا اۋىرلىعى ورتاشا زيان كەلتىرۋ) بويىنشا قىلمىستىق ءىستى تىركەدى. جۇرگىزىلگەن سوت-مەديتسينالىق ساراپتاماعا سايكەس, جابىرلەنۋشىنىڭ دەنساۋلىعىنا ورتاشا اۋىرلىقتاعى زيان كەلتىرىلگەن», دەلىنگەن حابارلامادا.
كەلىپ تۇسكەن اقپاراتقا سايكەس, بۇگىندە تەرگەۋ امالدارى ءجۇرىپ جاتىر.
«كۇدىكتىگە قاتىستى «ەشقايدا كەتپەۋ جانە ءوز ارەكەتىنە جاۋاپ بەرۋ تۋرالى قولحات» تۇرىندە بۇلتارتپاۋ شاراسى قولدانىلدى. وزگە اقپارات تەرگەۋ مۇددەسىنە ساي جاريا ەتۋگە جاتپايدى», دەيدى اتالعان ۆەدومستۆودان.
ايانا توعانبەك