يراننىڭ باس شاھارى – تەگەراندا ءوتىپ جاتقان ۆولەيبولدان ەرلەر اراسىنداعى كلۋبتىق ازيا چەمپيوناتىنىڭ توپتىق كەزەڭى اياقتالىپ, شيرەك فينالعا شىققان كوماندالار بەلگىلى بولدى.
سارى قۇرلىق دوداسىندا قازاقستاننىڭ «تاراز» كلۋبى دا ونەر كورسەتۋدە. جەرلەستەرىمىز بىرەر كۇن بۇرىن توپتىق كەزەڭنىڭ سوڭعى ماتچىندا يراننىڭ Shahdab Yazd كلۋبىنان 1:3 ەسەبىمەن جەڭىلىپ قالسا دا, توپتا ەكىنشى ورىنمەن ءتۋرنيردىڭ شيرەك فينالىنا جولداما الدى.
ەندى قازاقستاندىق كوماندا جارتىلاي فينالعا شىعۋ ءۇشىن بۇگىن تايلاندتىڭ Nakhon Ratchasima QminC كلۋبىمەن شەبەرلىك بايقاسادى. سونداي-اق شيرەك فينالدا Shahdab Yazd (يران) – South Gas (يراك), Tehran Perykan (يران) – Al-Bahri Sports Club (يراك), Suntory Sunbirds (جاپونيا) – Al-Rayyan Sports Club (كاتار) كوماندالارى ءوزارا سىنعا تۇسەدى. جارتىلاي فينال ويىندارى 19 مامىرعا, فينال باسەكەسى 20 مامىرعا جوسپارلانعان.